8 jyl boıy halyqaralyq izdeýde júrgen 71 jastaǵy qazaqstandyq áıel Reseıde ustaldy
«16 qarashada Mańǵystaý oblysy Polıtsııa departamentiniń krımınaldyq polıtsııa basqarmasynyń izdestirý tapsyrmasy boıynsha Orlovsk oblysy boıynsha Reseı Federatsııasy ІІM-niń «Novosılskoe» bólimshesiniń qyzmetkerleri jedel-izdestirý is-sharalaryn júrgizý barysynda Qazaqstan Respýblıkasynyń azamatshasyn ustady», - dep málim etti Mańǵystaý oblystyq Polıtsııa departamentinen.
Áıel alaıaqtyq jasady degen aıyppen izdeýde bolǵan. Ol 2010 jyldyń sáýir aıynda jalǵan qujattar boıynsha 1500000 teńgege jábirlenýshige bankte kepilde turǵan Munaıly aýdany mekenjaıy boıynsha jer ýchaskesin satqan. Sondaı-aq, sol jyly maýsym aıynda óziniń qylmystyq nıetin jalǵastyra otyryp, jábirlenýshige Munaıly aýdanyndaǵy jer ýchaskesin jalǵan qujattarmen 4500000 teńgege satqan.
Jalpy alaıaqtyń áreketterinen 74 adam zardap shekken. Keltirilgen materıaldyq shyǵyn 50 mıllıon teńgeden asqan.
Polıtsııa qyzmetkerleri kúdiktini Reseı ІІM Novosılsk bólimshesiniń ýaqytsha ustaý ızolıatoryna qamady. Qazirgi ýaqytta tergeý áreketteri júrgizilýde.