8 jyldan beri halyqaralyq izdeýde júrgen adam Shymkentte ustaldy
ShYMKENT. KAZINFORM - Shymkentte polıtseıler 8 jyldan beri halyqaralyq izdeýde júrgen azamatty ustady.
Jedel-izdestirý is-sharalaryn júrgizý barysynda Shymkent qalasy Polıtsııa departamenti Kóshi-qon qyzmeti basqarmasynyń qyzmetkerleri 8 jyl boıy halyqaralyq izdeýde júrgen Ózbekstan azamatyn anyqtady.
41 jastaǵy izdeýde júrgen qylmyskerdi polıtsııa qyzmetkerleri Turan aýdanyndaǵy jaldamaly páterlerdiń birinde ustady. Qazirgi ýaqytta er adam sottyń sheshimimen respýblıka aýmaǵynan alastatylyp, bes jylǵa deıin Qazaqstanǵa kirmeýge sheshim shyǵaryldy.
2024 jyldyń 14-18 qazan aralyǵynda «Zańsyz kelýshi - 2024» jedel profılaktıkalyq is sharasy barysynda Shymkent qalasy aýmaǵynda Qazaqstan Respýblıkasyna kelý, bolý jáne QR-nan ketý Erejelerin buzǵan barlyǵy – 556 sheteldik pen Qazaqstan Respýblıkasynyń azamattary anyqtalyp, Ákimshilik jaýapkershilikke tartyldy.
Sonymen qatar Shymkent qalasy PD-niń Qabyldap-taratý ornyna jeke bastaryn anyqtaıtyn qujattar joq – 135 adam ornalastyryldy. Sheteldikterdiń QR-da bolý erejelerin buzǵan – 408 azamat anyqtalyp, QR ÁQBtK-niń 517-babymen ákimshilik jaýapkershilik qaraldy.
«Shetel azamatyn zańsyz turǵyn úımen qamtamasyz etken, QR ÁQBtK-niń 518-baby talaptaryn buzǵan 114 jáne shetel jumys kúshin zańsyz paıdalanǵan, QR ÁQBtK-niń 519-baby talaptaryn buzǵan 34 Qazaqstan Respýblıkasynyń azamattary anyqtaldy. Kóshi-qon zańdylyǵyn óreskel buzǵan 61-sheteldik Qazaqstan Respýblıkasy aýmaǵynan alastatyldy. 44 sheteldiktiń Qazaqstan Respýblıkasynda bolý merzimderi qysqartyldy», - delingen Shymkent Polıtsııa departamenti habarlamasynda.
«Zańsyz kelýshi» jedel aldyn alý is-sharasy jalǵasyp jatyr.
Asyrandy 6 balany azaptaǵan «emshi» Shymkenttegi tergeý ızolıatorynda otyrǵanyn jazǵan bolatynbyz.
