8 jyl kútken: Astanada birqatar turǵyn úı kesheni ortalyq gaz qubyryna qosyldy

Astanada qalany gazdandyrý aıasynda qurylysy aıaqtalyp, qalanyń «gaz sheńberin» kezeń-kezeńimen iske qosý bastaldy, dep habarlaıdy Kazinform.

Bul joba qala tutynýshylaryn senimdi gazben qamtamasyz etýge múmkindik beredi. Sondaı-aq, joba «Turan», «Ońtústik-Shyǵys» gaz jylý stantsııalaryna, Úrker (Ilınka), Prıgorodnyı, Óndiris, Kırpıchnyı eldi mekenderine joǵary qysymdy jelilerdi qosýdy qamtamasyz etti.

Jobany iske asyrýdyń arqasynda avtonomdy qazandyqtardan ortalyq gazben jabdyqtaýǵa «Býdapesht», «Cosmic City», «Family Town» kóppáterli turǵyn úı keshenderi qosyldy. Sol sııaqty jaqyn arada «Kýrshevel» turǵyn úı kesheni qosylady. Bul úılerdiń turǵyndary turǵyn úı keshenin ortalyq gazben jabdyqtaýǵa kóshirý týraly qala ákimdigine birneshe ret ótinish bildirgen. Tabıǵı gazdy paıdalaný turǵyndardyń jylý aqysyn aıtarlyqtaı azaıtady, sondaı-aq suıytylǵan munaı gazymen qamtamasyz etýde týyndaǵan problemalardy sheshedi.

Bıylǵy kúzde «Ońtústik-Shyǵys» gaz jylý stantsııasynyń qurylysy, «Turan» stantsııasynyń birinshi kezegi, qurylysy uzaqqa sozylǵan JEO-3-tiń birinshi kezegi aıaqtaldy. Jylýmen qamtıtyn úsh nysannyń qýaty – 1140 Gkal/saǵ. Osylaısha, bıylǵy jylytý maýsymynda qalada jylý profıtsıti baıqalady.

Kelesi jyly birinshi kezekte «Telman» gaz jylý stantsııasyn jáne ekinshi kezekte «Turan» gaz jylý stantsııasyn paıdalanýǵa berý josparlanyp otyr. Bul qalany taǵy 850 Gkal/saǵ jylý qýatymen qamtamasyz etýge múmkindik beredi.