8 jeltoqsanda eldegi qaı joldar ashyq, qaısysy jabyq
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Kompanııanyń málimetinshe, 2025 jylǵy 8 jeltoqsanda saǵat 08:00–de respýblıkalyq mańyzy bar kelesi avtojoldarda barlyq kólik túri úshin qozǵalys ashyq.
Aqtóbe oblysy
«Qostanaı — Rýdnyı — Denısovka — Komsomolskoe — Qarabutaq» avtojolynyń 0-234-shaqyrym aralyǵyndaǵy ýchaskesinde (Qarabutaq aýyly — Qostanaı oblysy shekarasy).
Qostanaı oblysy
«Qostanaı — Rýdnyı — Denısovka — Komsomolskoe — Qarabutaq» avtojolynyń 234-310-shaqyrym aralyǵyndaǵy ýchaskesinde (Aqtóbe oblysy shekarasy — Adaevka aýyly).
Qyzylorda oblysy
«RF shekarasy — Mártók — Aqtóbe — Qarabutaq — Qyzylorda — Shymkent — Taraz — Qordaı — Almaty — Qorǵas — QHR shekarasy» avtojolynyń 1474-1806-shaqyrym aralyǵyndaǵy ýchaskesinde (Áıteke bı aýylynan Qyzylorda qalasyna deıin).
Kólik qozǵalysy shekteýi
Sondaı-aq birneshe óńirde buǵan deıin engizilgen shekteýler áli de kúshinde.
Aqmola oblysy
Respýblıkalyq mańyzy bar «KAZ02 Astana — Kókshetaý (aınalma jol) — Petropavl –RF shekarasy (Jańa Jol ótkizý pýnkti)» avtojolynyń 18-231-shaqyrym aralyǵynda kóliktiń barlyq túri úshin jyldamdyq shekteýi 110 shaq/saǵ-tan 80 shaq/saǵ-qa deıin tómendetildi.
Qaraǵandy oblysy
Qaraǵandy oblysynda aýa raıynyń nasharlaýyna baılanysty respýblıkalyq mańyzy bar «KAZ01 Astana — Qaraǵandy — Almaty» avtojolynyń 92-164-shaqyrym aralyǵynda (Anar stansasynan Temirtaý qalasyna deıin) kóliktiń barlyq túri úshin jyldamdyq shekteýi 140 km/saǵ-tan 110 km/saǵ-qa deıin tómendetiledi.
Pavlodar oblysy
«Astana — Shiderti — Pavlodar — Ýspenka — RF shekarasy» avtojolynda (Qalqaman eldi mekenine kireberis pen Astanaǵa shyǵatyn baǵyt) kóliktiń barlyq túri úshin qozǵalysqa ýaqytsha shekteý engizildi.
Soltústik Qazaqstan oblysy
«Tımırıazevo — Sarykól — oblys shekarasy» avtojolynyń 0-30-shaqyrymynda (Qostanaı oblysy shekarasy — Tımırıazevo aýyly) júk kólikteriniń qozǵalysyna shekteý bar.
Shyǵys Qazaqstan oblysy
Tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avtojolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde saqtalady.
Aýa raıy
8 jeltoqsanda Aqmola, Soltústik Qazaqstan, Shyǵys Qazaqstan, Batys Qazaqstan, Aqtóbe, Qaraǵandy, Qostanaı, Jambyl, Almaty, Abaı, Jetisý, Túrkistan, Mańǵystaý, Qostanaı jáne Pavlodar oblystarynyń keı jerinde qar aralas jańbyr men qar jaýady.
— Sol sebepti júrgizýshilerge jyldamdyq rejımi men qaýipsiz araqashyqtyqty qatań saqtap, joldardaǵy aýa raıynyń qolaısyzdyǵyn eskerýlerińizdi suraımyz, — delingen habarlamada.
Eske salaıyq, Qazgıdromet 8 jeltoqsan kúni elimizdiń 15 oblysynda boran, kóktaıǵaq jáne tuman bolatynyn eskertken edi.