8 jeltoqsan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
Ózbekstannyń Konstıtýtsııasy kúni. 1992 jylǵy jeltoqsannyń 8-inde ótken Ózbekstan Joǵarǵy Odaǵynyń 11-shi sessııasynda qabyldandy.
Qyrǵyzstanda radıo jáne teledıdar qyzmetkerleriniń kúni. 1995 jylǵy jeltoqsannyń 23-inde Qyrǵyz Respýblıkasy Úkimetiniń qaýlysymen bekitilgen.
Rýmynııada Konstıtýtsııa kúni. 1991 jyly dál osy kúni Rýmynııa Konstıtýtsııasy túbegeıli maquldanǵan referendým boldy. Ol eldi basqarýdyń respýblıkalyq formasy men bılikti úsh tarmaqqa - zań shyǵarý, atqarý jáne sot bıligine bólýdi resmı túrde bekitti.
Albanııada ulttyq jastar kúni. El parlamenti 2010 jyly resmı ári ulttyq mereke retinde bekitken.
Bolgarııada stýdentter kúni. Alǵash ret mereke retinde 1903 jyly Sofııa ýnıversıtetiniń 15 jyldyǵyna oraı atap ótilgen. 1994 jyly 8 jeltoqsanda barlyq stýdentterdiń resmı merekesi retinde jarııalandy. Bul kúni bolgarlyq joǵary oqý oryndarynda sabaq bolmaıdy.
Panamada Analar kúni. Analar merekesi retinde bul kúni adamdar óz analaryn quttyqtap, olarǵa syılyqtar tartý etedi.
ESTE QALAR OQIǴALAR
85 jyl buryn (1930) Keńes úkimetiniń kúshtep uıymdastyrý saıasatyna, alym-salyq, mal jınaý naýqanyna qarsy baǵyttalǵan sharýalar kóterilisi Kójebaı saıy (Aqtóbe oblysy) degen jerde jeńilis tapty. Jeńilis tapqandardy jazalaý úshin OGPÝ-diń janynan «úshtik» qurylyp, 12 basshysy atý jazasyna kesildi. 1Z adam 10 jylǵa bas bostandyǵynan aırylyp, 163 adam túrli aıyptaý jazalaryna tartyldy.
24 jyl buryn (1991) Belarýs, Reseı jáne Ýkraınamen 1991 jylǵy jeltoqsannyń 8-inde Mınskide TMD qurý týraly kelisiminde qol qoıylǵan memleketaralyq birlestik - Táýelsiz Memleketter Dostastyǵy quryldy (TMD). Bul memleketterdiń aıtýynsha, KSRO tereń daǵdarys pen qulaý kezeńinde óziniń ómir súrýin toqtatty, olar dostastyqty saıası, ekonomıkalyq, gýmanıtarlyq, mádenıet jáne t.b. jaqtarynan damytýǵa yntalanatynyn aıtty. 1991 jylǵy jeltoqsannyń 21-de kelisimge TMD-nyń Basty qaǵıdalary men maqsattary deklaratsııasyna Belarýs, Reseı jáne Ýkraınamen birge Almatyda qol qoıǵan Ázerbaıjan, Armenııa, Qazaqstan, Qyrǵyzstan, Moldavııa, Tájikstan, Túrikmenstan, Ózbekstan qosyldy. 1993 jyly TMD-nyń Jarǵysy qabyldandy, onda memleketter birigip jumys isteý múmkindigin qarastyrady: adam bostandyǵy men quqyǵyn qamtamasyz etý, syrtqy saıası qyzmetti úılestirý, ortaq ekonomıkalyq keńistikte kólik jáne baılanys júıesin damytý yntymaqtastyǵyn qurý, turǵyndardyń densaýlyǵy men qorshaǵan ortany qorǵaý, áleýmettik jáne ımmıgratsııalyq saıasattyń suraqtary, uıymdasqan qylmysqa qarsy kúres, syrtqy shekarany qorǵaý máselesindegi yntymaqtastyq. TMD-nyń naqty múshelerimen qatar, ózge qyzmetterine qatysatyn basqa qaýymdastyq músheleri bolýy múmkin. TMD memleket basshylarynyń otyrysynda keıbir memleketter baqylaýshy retinde otyrady. Memleket basshylarynyń keńesi, Úkimet basshylarynyń keńesi, Syrtqy ister mınıstrleriniń keńesi, Memleketaralyq ekonomıkalyq keńes, Sankt-Peterbordaǵy úkimetaralyq assambleıanyń ortalyǵy sekildi taǵy basqa organdary quryldy. TMD-nyń turaqty jumys isteıtin organy - Mınskidegi úılestirý keńesi komıteti. 23 jyl buryn (1992) Qazaqstan Respýblıkasynyń Injenerlik akademııasy quryldy, onyń prezıdenti bolyp O.Joldasbekov taǵaıyndaldy. Qazirgi kúni Ulttyq ınjenerlik akademııa Qazaqstandaǵy eń iri jáne yqpaldy qoǵamdyq ǵylymı uıym bolyp tabylady. Onyń quramynda 20-dan astam ǵylymı-óndiris ortalyqtary jumys isteıdi, ol búkil qazaqstandaǵy tehnoparkterdiń qurylýy men damýyna belsendi qatysady, onyń bólimderi men fılıaldary aımaqtaǵy óndirýshi kásiporyndarmen tyǵyz baılanysta. Akademııanyń ǵylymı ortalyqtarynyń arasynan mynandaı uıymdardy: ǵylymı-ınjenerlik aqparattyq-esepteýish ortalyǵy, «Munaı» ǵylymı-zertteý ortalyǵy, Qazirgi zaman tehnologııalarynyń ınstıtýty, Ekologııalyq saraptama ınstıtýty jáne basqalaryn atap ótýge bolady. Qazaqstan Respýblıkasynyń Bilim jáne ǵylym mınıstrligi men AQSh Ǵylym akademııasynyń birigip ótkizgen halyqaralyq sertıfıkattaýynan tabysty ótti. 21 jyl buryn (1994) ál-Farabı atyndaǵy Qazaq memlekettik ulttyq ýnıversıtetiniń qurylǵanyna 60 jyl tolýyna baılanysty ýnıversıtet bas ǵımaraty aldynda ál-Farabı eskertkishi ashyldy.
20 jyl buryn (1995) Qazaqstan Respýblıkasynyń Prezıdenti N.Nazarbaevtyń «Qazaqstan Respýblıkasynyń memlekettik nagradalary týraly» Jarlyǵy jarııalandy.
18 jyl buryn (1997) Tegeranda ótken (Iran Islam Respýblıkasy) Islam Konferentsııasy Uıymynyń VIII-shi Sammıtte «Qazaqstan Respýblıkasynyń Azııadaǵy ózara is-qımyl jáne senim sharalary májilisiniń shaqyrylymy bastamasyn qoldaý týraly» Qarar qabyldandy. 18 jyl buryn (1997) Elbasy Jarlyǵymen Qazaqstan Respýblıkasynyń Kóshi-qon jáne demografııa jónindegi agenttigi quryldy. 15 jyl buryn (2000) Parıjdegi ıÝNESKO úıinde Túrkistan kúnderi ótkizildi. 10 jyl buryn (2005) jeltoqsannyń 8-i men 18-i aralyǵynda «Qazposhta» AQ Qazaqstan qalalarynda ІІ Papa Ioann Paveldi eske alýǵa arnalǵan Polsha Respýblıkasynyń poshta markalary kórmesin uıymdastyrdy. Alǵashqysy Almaty poshta ǵımaratynda ótkizildi. Atalǵan shara «Qazposhta» AQ-ynyń ózge memleketterdiń poshtalyq ákimdikterimen mádenı baılanysyn tereńdetý jáne poshta markalarymen almasý men marka jınaý úrdisin damytý maqsatynda uıymdastyryldy. 9 jyl buryn (2006) Shotlandııadaǵy Aberdın qalasynda Qazaqstan Konsýldyǵy jańa keńsesiniń resmı tusaýkeseri ótti. 8 jyl buryn (2007) Almatyda qoǵam qaıratkeri Bolathan Taıjanǵa eskertkish ornatyldy. Eskertkishtiń avtory - Tımýr Súleımenov. Bolathan Taıjan (1941-2006) tanymal dıplomat, Qazaqstan Respýblıkasy syrtqy ekonomıkalyq baılanystar mınıstriniń birinshi orynbasary, Mysyr, Marokko, Týnıs Aljır, Iordanııa, Sırııa, Lıvııa, Malaızııa elderindegi Qazaqstan Respýblıkasynyń Tótenshe jáne Ókiletti Elshisi, «Ult taǵdyry - El taǵdyry» ulttyq-patrıottyq qozǵalystyń tóraǵasy qyzmetterin atqarǵan. KSRO Jýrnalıster odaǵynyń múshesi.
7 jyl buryn (2008) Pavlodardyń Ertis jaǵalaýy balalary jazǵan «Slova, ıdýşıe ot serdtsa» atty kitap jaryq kórdi. Onda oblystyń 70 jyldyǵyna arnalǵan «Pavlodarskoe Prıırtyshe - terrıtorııa drýjby ı soglasııa» atty baıqaýyna jiberilgen eń úzdik áńgimeler, óleńder men sýretter jarııalandy. Shyǵarmashylyq jarystyń uıymdastyrýshysy - Qazaqstan halqynyń kishi Assambleıasy jáne «Zvezda Prıırtyshıa» atty oblystyq gazeti. Jas prozashylar men aqyndar shyǵarmashylyq shabyttarymen jáne súıispenshilikterimen týǵan aýyly men aýyldastary týraly aıtyp berdi. Esse men óleń joldardyń avtorlary - aýyl men qala mektepteriniń oqýshylary, stýdentter men pavlodarlyq ulttyq jańǵyrtý mektebiniń oqýshylary. 6 jyl buryn (2009) Osakada (Japonııa) Qazaqstan Respýblıkasy Qurmetti konsýldyǵynyń ashylý rásimi bolyp ótti. Qurmetti konsýl bolyp álemge tanymal «Toshıba» korporatsııasynyń vıtse-prezıdenti Shıro Kavashıta taǵaıyndaldy. Konsýldyqtyń ashylý saltanatyna Japonııanyń resmı tulǵalary, iri kompanııalardyń basshylary, buqaralyq aqparat quraldarynyń ókilderi qatysty. Elshilik aıasynda Qazaqstan týraly fotokórme uıymdastyryldy. Qazaqstan Respýblıkasynyń Osakadaǵy Qurmetti konsýldyǵynyń basty mindeti eki eldiń arasyndaǵy saýda-ekonomıkalyq jáne mádenı-gýmanıtarlyq yntymaqtastyqty nyǵaıtý bolyp tabylady.
5 jyl buryn (2010) Pavlodarda «Jeńis» atty qazaq tilin úıretetin jańa elektrondy kitap shyqty.
5 jyl buryn (2010) Ońtústik Qazaqstan oblysynda «Batys Eýropa - Batys Qytaı» kólik dáliziniń ońtústik qıyǵynda qurylys jumystary bastaldy.
4 jyl buryn (2011) Memleketaralyq avıatsııalyq komıtet (MAK) pen QR Kólik jáne kommýnıkatsııa mınıstrliginiń Azamattyq avıatsııa komıteti Almaty qalasy aerodromynyń IKAO-nyń ІІІV sanatyna sáıkestigi jóninde sertıfıkatty «Almaty halyqaralyq áýejaıy» AQ-na tabystady
4 jyl buryn (2011) Elbasy - QR Qarýly kúshteriniń Joǵary Bas qolbasshysy Nursultan Nazarbaev Astanadaǵy general S. Nurmaǵambetov atyndaǵy «Jas ulan» respýblıkalyq mektebiniń jańa keshenin ashty.
3 jyl buryn (2012) Qaraǵandyda avtokólikterdi tirkeý jáne júrgizýshi kýáligin berý qyzmetteri kórsetiletin alǵashqy mamandandyrylǵan HQKO ashyldy.
ESІMDER 90 jyl buryn (1925-2009) tarıh ǵylymdarynyń kandıdaty, dotsent, Halyqaralyq Aqparattandyrý Akademııasynyń akademıgi, Qazaq KSR Joǵary mektebiniń eńbek sińirgen qyzmetkeri, KSRO Joǵary mektebiniń úzdigi BATYRBEKOV Múshtaı dúnıege keldi. Almaty qalasynda týǵan. Qazaq memlekettik ýnıversıtetin bitirgen. Uly Otan soǵysyna qatysqan. 1957-1978 jyldary - Qazaq polıtehnıkalyq ınstıtýtynyń assıstenti, aǵa oqytýshysy, fakýltet dekany, syrttaı oqý jónindegi prorektory. 1978-1985 jyldary - Joǵary jáne arnaıy orta bilim berý mınıstrligi Joǵary oqý oryndary bas basqarmasynyń bastyǵy. 1985-1989 jyldary - Qazaq polıtehnıkalyq ınstıtýtynyń prorektory. 1989 jyldan zeınet demalysyna shyqqan. Onyń 7 monografııasy, 130-dan astam ǵylymı eńbegi jaryq kórgen. Aqtaý, Shyǵys Qazaqstan tehnıkalyq, Pavlodar ýnıversıtetteriniń jáne Atyraý munaı jáne gaz ınstıtýtynyń qurmetti professory. 2-shi dárejeli Otan soǵysy, Qyzyl Juldyz, «Qurmet belgisi» ordenderimen jáne Y.Altynsarın atyndaǵy medalmen marapattalǵan. 8 1 jyl buryn (1934-1984) Qazaq KSR-niń voleıboldan eńbek sińirgen jattyqtyrýshysy DEMIN ıÝrıı Mıhaılovıch dúnıege keldi. Aqtóbe qalasynda týǵan. Qazaq dene tárbıesi jáne sport ınstıtýtyn (Qazaq sport jáne týrızm akademııasy) bitirgen. Almaty qalalyq bilim berý bólimi № 1 Balalar jáne jasóspirimder sport mektebiniń aǵa jattyqtyrýshysy qyzmetin atqarǵan. KSRO chempıondary, halyqaralyq dárejedegi sport sheberleri A.Portnoı, N.Ragozın, aǵaıyndy Vıtalıı men Vıacheslav Shaprandardy baptaǵan. 7 7 jyl buryn (1938-1984) jazýshy, Qazaq KSR aǵartý isiniń úzdigi, Qazaqstan Jazýshylar odaǵynyń múshesi QONARBAEV Ermek Lamáliuly dúnıege keldi. Soltústik Qazaqstan oblysynyń Shal aqyn aýdanynda týǵan. Qazaq pedagogıkalyq ınstıtýtyn (qazirgi Abaı atyndaǵy Qazaq ulttyq pedagogıkalyq ýnıversıteti) bitirgen. «Novopokrov» keńsharynda komsomol uıymynyń hatshysy, Lenın atyndaǵy orta mekteptiń muǵalimi, Sergeev aýdandyq partııa komıtetiniń nusqaýshysy, keńshar partııa komıtetiniń hatshysy, «Lenın týy» gazetiniń menshikti tilshisi, Novopokrov orta mektebiniń muǵalimi, Aqbalshyq segiz jyldyq mektebiniń dırektory qyzmetterin atqarǵan. Qalamgerdiń «Túngi ot», «Jol basy», «Qas qaǵym sát», «Tıek» atty áńgimeler men povesteri jaryq kórgen. 7 5 jyl buryn (1940) jazýshy, Qazaqstan Jazýshylar odaǵynyń múshesi, Qytaıdyń eńbek sińirgen mádenıet qaıratkeri, «Úzdik daryn» syılyǵynyń laýreaty RYSKELDIEV Tursynáli Myrzabaıuly dúnıege keldi. QHR-dyń Іle aımaǵynda týǵan. Shyńjań ýnıversıtetin bitirgen. 1998 jyly tarıhı Otany - Jetisý jerine kóship kelgen. Onyń úsh kitaptan turatyn «Tasqyn» trılogııasy, «Órken», «Mysal áńgimeler», «Besik» atty áńgimeler jınaǵy, «Taý taǵysy»,«Uly kósh» romandary, «Qara kóldiń balyqtary» atty povester toptamasy, «Qos aqqý» komedııalyq pesalar jınaǵy, «Tamyzyq» jınaqtary, taǵy basqa kóptegen týyndylary bar. Ol qazaq halqynyń salt-dástúri men turmys-tirshiligi beınelengen «Іle saltanaty» kórkem fılminiń stsenarııin jazǵan. 7 3 jyl buryn (1942) jazýshy, Qazaqstan jazýshylar odaǵynyń múshesi, QR eńbek sińirgen qaıratkeri MUHANBETQALIULY Qajyǵalı dúnıege keldi. Aqtóbe oblysy Baıǵanın aýdanynda týǵan. 1965 jyly Qazaq memlekettik ýnıversıtetiniń fılologııa fakýltetin úzdik bitirgen. Odan keıin Aqtóbe oblystyq radıo jáne televıdenıe komıtetinde, oblystyq «Kommýnızm joly» gazetinde, «Qazaqstan» baspasynda, «Juldyz» jýrnalynda, «Qazaq ádebıeti» gazetinde redaktor, aǵa redaktor, aǵa ádebı qyzmetker, bólim meńgerýshisi, jaýapty hatshy, «Jańa fılm» jýrnalynyń bas redaktory bolǵan. Keıingi jyldary QR Prezıdenti apparatynda, Parlamentte, «Tańsholpan» jýrnalynda qyzmet istegen. R.Akýtagaeva, S.Moem, P.Merıme, Gı de Mopassan, D.Fonvızın, S.Chýbek, L.Honvano, Dj.Odınaev, H.Abdýllın, t.b. jazýshylardyń jekelegen áńgimelerin jáne túrikmen jazýshysy T.Jumageldınovtiń «Eges» atty kitabyn, orys jazýshysy A.Skalonnyń «Baqyttyń altaıy túlkisi» atty áńgimeler men povester jınaǵyn qazaq tiline aýdarǵan. Óziniń de birqatar áńgimeleri shetelderde jarııalanǵan ujymdyq jınaqtarǵa engen. «Syrym batyr» atty romanynyń alǵashqy taraýlaryn ádebı jýrnaldarda jarııalady. «Syrym Datuly» jınaǵyn qurastyryp, alǵy sózi men túsiniktemelerin jazǵan. 2003 jyly QR-nyń eńbek sińirgen qaıratkeri ataǵy berildi. Táýelsizdiktiń 10 jyldyǵyna arnalǵan medalmen marapattalǵan, Baıǵanın aýdanynyń Qurmetti azamaty. Shyǵarmalary: Juldyzdy túnder. Áńgimeler. A., «Jazýshy», 1972; Toǵaı sybdyry. Povester men áńgimeler. A., «Jazýshy», 1974; Jańǵyryq. Áńgimeler men povester. A., «Jalyn», 1978; Starye drýzıa. Rasskazy ı povestı. A., «Jazýshy», 1981; Qaıdasyń sen, mahabbat. Áńgimeler men povester. A., «Jalyn», 1984; Dorogı jıznı. Rasskazy ı povestı. A., «Jazýshy», 1986; Synyq tereze. Áńgimeler men hıkaıattar. «Elorda», 2003; Jalǵyz jıen. Áńgimeler men povester. «Jazýshy», 2005; Alabuǵa, aqqaıran. «Baýyr», 2008, «Tar kezeń», roman, 20212. 60 jyl buryn (1955) Almaty q. ákiminiń orynbasary SAÝRANBAEV Bolat Ospanuly dúnıege keldi.
Jambyl oblysynda týǵan. 1978 jyly Qazaq ulttyq tehnıkalyq ýnıversıtetin bitirgen. Tehnıka ǵylymynyń kandıdaty. 1978-1980 jyldary Almaty Úı qurylysy kombınatynda master, ınjener, 1980-1987 jyldary Almaty qalasy Alataý aýdany komsomol komıtetinde nusqaýshy, bólim meńgerýshisi, ІІ hatshy, 1987-1993 jyldary Alataý aýdany atqarý komıteti tóraǵasynyń orynbasary, aýdan ákimi, 1993-1999 jyldary «Rambýtıa» JShS-nyń tehnıkalyq dırektory, 1999-2005 jyldary Taraz qalasynyń ákimi. 2005-2006 jyldary «KUAT» Korporatsııasy» AQ basqarma tóraǵasynyń birinshi orynbasary. 2006-2009 jyldary «Sheber-Invest» JShS-nyń bas dırektory. 2009-2012 jyldary «Global Building Contract» JShS-nyń dırektory. 2012-2013 jyldary Almaty qalasy ákimi apparatynyń basshysy. 2013 jyldyń naýryz aıynda Almaty qalasy ákiminiń orynbasary bolyp taǵaıyndaldy.
56 jyl buryn (1959) Mańǵystaý oblysy ákiminiń orynbasary NURǴAZIEVA Baný Ǵanıqyzy dúnıege keldi.
Almaty oblysynda týǵan. 1985 jyly S.M.Kırov atyndaǵy Qazaq memlekettik ýnıversıtetin fılolog mamandyǵy boıynsha, al 2007 jyly Qazaq gýmanıtarlyq-zań ýnıversıtetin quqyqtaný bakalavry mamandyǵy boıynsha bitirgen.
Eńbek jolyn 1979 jyly Almaty oblysy, Shelek aýdanynyń Shelek selosynda Abaı atyndaǵy orta mektepte bastady.
1988-1993 j.j. Almaty oblysy, Shelek aýdandyq partııa komıtetiniń úgit jáne nasıhat bóliminiń nusqaýshysy boldy.
1993-2002 j.j. - Almaty oblysy, Shelek aýdany ákimi apparatynyń ishki saıasat bóliminiń meńgerýshisi, Almaty qalasy, Bostandyq aýdany ákimi apparatynyń ishki saıasat jáne áleýmettik sala bóliminiń bas mamany.
2002-2008 j.j. Almaty qalasy, Jetisý aýdany ákiminiń apparat basshysy, Almaty qalasy ishki saıasat departamenti bastyǵynyń orynbasary, Shyǵys Qazaqstan oblysy ishki saıasat departamentiniń dırektory qyzmetterin atqardy.
2008-2014 j.j. - QR Mádenıet jáne aqparat mınıstrligi qoǵamdyq-saıası jumystar departamentiniń dırektory, «Qazmedıaortalyǵy» JShS bas dırektorynyń orynbasary.
54 jyl buryn (1961) Batys Qazaqstan oblysynan saılanǵan Qazaqstan Respýblıkasy Parlamenti Senatynyń depýtaty MUQAEV Erbolat Rahmetuly dúnıege keldi.
1961 jyly 8 jeltoqsanda týǵan, qazaq, bilimi joǵary. Gýrev pedagogıka ınstıtýtyn, BLKJO OK janyndaǵy Máskeý Joǵary komsomol mektebin, Batys Qazaqstan ınjenerlik-tehnologııa ýnıversıtetin bitirgen. Fızıka pániniń muǵalimi, saıasattanýshy, ekonomıst. Batys Qazaqstan oblysy ákimi apparatynyń basshysy bolyp qyzmet atqarǵan. «Qurmet» ordenimen, eki medalmen marapattalǵan.
52 jyl buryn (1963) medıtsına ǵylymynyń doktory, professor AIDARHANOV Arman Tergeýuly dúnıege keldi. Almaty qalasynda týǵan. Almaty memlekettik medıtsına ınstıtýtyn, Eýrazııa gýmanıtarlyq ınstıtýtyn bitirgen. Qazaq onkologııa jáne radıologııa ǵylymı-zertteý ınstıtýtynyń kishi, aǵa ǵylymı qyzmetkeri, doktoranty bolǵan. 1998-2000 jyldary - Mańǵystaý oblystyq densaýlyq saqtaý basqarmasynyń bastyǵy. 2000-2001 jyldary - Qazaqstan Respýblıkasy Densaýlyq saqtaý isi jónindegi agenttigi tóraǵasynyń orynbasary. 2001-2004 jyldary - Qazaqstan Respýblıkasy Densaýlyq saqtaý vıtse-mınıstri. 2004-2006 jyldary - Astana qalasy «Ortalyq jol aýrýhanasy» aktsıonerlik qoǵamynyń bas dárigeri. 2006-2008 jyldary Mańǵystaý oblystyq densaýlyq saqtaý basqarmasynyń bastyǵy qyzmetin atqarǵan. 2 monografııanyń jáne 45 ǵylymı jarııalanymnyń avtory.
49 jyl buryn (1966) Qostanaı oblystyq sotynyń tóraǵasy MYRZAKE Ǵalymjan Jarylqasynuly dúnıege keldi.
Jambyl oblysynyń Qarataý aýylynda dúnıege kelgen. 1995 jyly «Avtomobılder jáne avtomobıl sharýashylyǵy» Qazaq polıtehnıkalyq ınstıtýtýtyn, 1997 jyly «Týran» ýnıversıtetin «Quqyqtaný» mamandyǵy boıynsha bitirgen. 1984 jyldan 1999 jylǵa deıin «Qarataý» óndiristik birlestiginiń energotseh slesari, «Qarataý» óndiristik birlestiginiń slesar-jóndeýshisi, Kópbaǵdarly «Oıan» kooperatıviniń júrgizýshi-mehanıgi, Jambyl oblysynyń ІІD OPO PPCh-18 órt sóndirýshisi, Jambyl oblysynyń ІІD OPO PPCh-18 qaraýyl bastyǵy, Jambyl oblysy boıynsha Keden basqarmasynyń ınspektory, Qarataý qalalyq prokýrorynyń qoǵamdyq kómekshisi, Jambyl oblysynyń Talas aýdandyq prokýrorynyń aǵa kómekshisi qyzmetterinde boldy. 1999-2002 jj. Astana qalasynyń Almaty aýdandyq sotynyń sýdıasy, 2002-2005 jj. Aqtóbe oblysynyń mamandandyrylǵan aýdanaralyq ekonomıkalyq sotynyń tóraǵasy, 2005-2010 jj. Qostanaı oblystyq sotynyń azamattyq ister boıynsha alqa tóraǵasy, 2010-2012 jj.Ońtústik Qazaqstan oblystyq sotynyń kassatsııalyq sot alqasynyń tóraǵasy boldy.
2012 jyldyń shildesinen Qostanaı oblystyq sotynyń tóraǵasy.
38 jyl buryn (1977) «Samuryq - Qazyna» AQ aktıvterin basqarý jónindegi bas dırektordyń orynbasary SAÝDABAEV Serik Bolatuly dúnıege keldi.
1999 jyly Abaı atyndaǵy Almaty memlekettik ýnıversıtetin bitirdi. «Respýblıkalyq telekommýnıkatsııalyq trafık bıllıngi ortalyǵy» RMK fılıalynda jumys istedi. 2003-2006 jyldary «Qazaqtelekom» AQ-da basshy laýazymdaryn atqardy. 2010 jylǵy maýsymnan bastap osy ýaqytqa deıin «Samuryq - Qazyna» AQ, kommýnıkatsııalyq aktıvterdi basqarý jónindegi dırektory.
154 jyl buryn (1861-1938) frantsýz akteri, rejısser, ıllıýzıonıst, teatr jáne kıno kásipkeri, alǵashqy kınostýdııalardyń birin qurýshy MELЬES Jorj dúnıege keldi.
80 jyl buryn (1934) keńestik jáne reseı teatr jáne kıno ártisi, KSRO halyq ártisi FREINDLIH Alısa Brýnovna dúnıege keldi.