8 jastaǵy qyzdy pedofılden qutqarǵan oqýshy oblys ákiminen grant aldy
ALMATY. QazAqparat - 8 jastaǵy qyzdy pedofılden qutqarǵan oqýshy stýdent atandy, dep habarlaıdy QazAqparat tilshisi.
Tımýrbek Jamaladdınov oblys bıýdjetinen bólingen grantqa ıe boldy. Oqýshynyń tańdaýy Qazaq Ulttyq agrarlyq ýnıversıtetine túsken.
Tımýrbektiń atalmysh JOO-da bilim alýyna múmkindik beretin arnaıy sertıfıkatty Almaty oblysy ákiminiń orynbasary Jaqsylyq Omar tabystady.
Búgin erligimen kózge túsken oqýshy oqý ornyna qujattaryn ótkizbek. Tımýrbek - úıiniń tuńǵyshy. Artynan eki qaryndasy ósip keledi. Ózi qutqaryp qalǵan búldirshinniń otbasymen jaqsy aralasyp turady. Bıyl qyz bala 3-synypqa barady.
«Adam óz aınalasyndaǵy qylmysqa beıjaı qaramaýy kerek. Jaqsy maman bolý úshin jaqsy oqyp, bilim alýy tıis. Barynsha qoǵamǵa paıdaly bolýǵa tyrysqan jón», - dedi Tımýrbek.
Eske salaıyq, Eńbekshiqazaq aýdanyndaǵy Túrgen aýylynda aǵymdaǵy jyldyń sáýir aıynda 32 jastaǵy jergilikti turǵyn 2008 jyly týǵan oqýshy qyzdy zorlamaq boldy. Jylap, kómekke shaqyryp jatqan qyzdy sol aýyldaǵy Qonaev atyndaǵy mekteptiń 11-synyp oqýshysy Tımýrbek Jamaladdınov qutqaryp qalǵan. Ol qylmyskerdi ıterip jiberip, búldirshindi kóterip úıine jetkizip salǵan.
Kúdikti sol kúni ustaldy.Keıin onyń qylmysy dáleldenip, 20 jylǵa bas bostandyǵynan aıryldy.
