8 jasar qaraǵandylyq dron-reısıngten respýblıkalyq jarystyń kúmis júldegeri atandy
«JETISY Eron Dron» dron-reısıngi boıynsha respýblıkalyq jarystar Almaty oblysynda, Eskeldi aýdanynyń «Ekesý» demalys aımaǵynyń aýmaǵynda ótti.
Saıysqa Almaty, Aqtaý jáne Qaraǵandydan 16 ushqysh qatysty. Áýe rallıin «Rýhanı jańǵyrý» aımaqtyq jobalyq keńsesi uıymdastyrdy.
Drondar úshin kedergileri bar marshrýt bekitilip, ony jyldamdyqpen ótý kózdeldi. Ushqyshtar kórý aýmaǵyn keńeıtý úshin arnaıy FPV kózildirikterin qoldandy, olar drondardyń borttyq kamerasymen ushtastyrylǵan. Pılotsyz drondardy basqarý arnaıy pýlttiń kómegimen júzege asyryldy.
Chempıonattyń eń jas qatysýshysy segiz jasar qaraǵandylyq Tımofeı Mýravev boldy. Ushqysh jarysqa ákesimen birge keldi. Dron-reısıngtiń tájirıbeli qatysýshylarynan ol tehnıkasy jáne jyldamdyǵynyń arqasynda ozdy.
«Men ákemmen jattyǵýdy eki jyl buryn bastadym. Ol aerotúsirilimmen aınalysady. Bul chempıonatqa jarty jyl daıyndaldyq. Kásibı ushqyshtardyń tehnıkasyn zerttep, túrli beınerolıkterinen úırendim. Al jarystarda olarmen jeke tanystym. Olar - keremet jigitter. Chempıonatta júldeli orynǵa ıe bolǵanyma óte qýanyshtymyn, ári qaraı jattyǵamyn», – dedi Tımofeı.
Áýe rallıiniń jeńimpazdary alǵys hattar, syılyqtar jáne aqshalaı sertıfıkattar aldy. Birinshi oryn men mıllıon teńgeni almatylyq Ánýar Naqysov enshiledi. Qaraǵandylyq Tımofeı Mýravev ekinshi oryn jáne 500 myń teńge sertıfıkatyna ıe boldy. Úzdik úshtikti almatylyq Oleg Sýgatov túıindedi. Oǵan 250 myń teńgeniń sertıfıkaty berildi.
