8 jasar bala Frantsııanyń fýtbol quramasynyń jattyqtyrýshysy qyzmetine óz kandıdatýrasyn usyndy
ASTANA. Aqpannyń 1-i. QazAqparat - Frantsýzdyń fýtbol federatsııasynyń prezıdenti Jan-Per Eskalett kútpegen hat alyp otyr.
Nıkolıa esimdi 8 jasar bala óz kandıdatýrasyn ... Frantsııanyń fýtbol quramasynyń jattyqtyrýshysy, ataqty Reımon Domenektiń ornyna usynǵan.
Fýtbol federatsııasy basshysynyń habarlaýynsha, «hat saýatty jáne jaqsy jazylǵan», jattyqtyrýshylyqtan úmitker jas peri paraqtyń ekinshi betinde bolashaq komandanyń óz quramyn usynǵan. Eskalett myrzanyń aıtýynsha, «ol usynǵan quram klassıkalyq úlgige saı».
Biraq ta qurama jattyqtyrýshylyǵynan jalǵyz Nıkolıa ǵana úmitker emes, bul qyzmetke Lýıs Fernandes te ótinish berip otyr. Kezinde Frantsııa quramasynyń qatarynda alpys shaqty oıyn ótkizgen Lýıs Fernandeniń, 8 jasar balaǵa qaraǵanda, múmkindigi kóbirek. Onyń ústine, Fernandes oıynshy mansabyn aıaqtaǵannan keıin «Parı Sen-Jermene, "Atletık Bılbao" jáne "Real Betıs" sııaqty komandalarda jattyqtyrýshy bolyp jumys istegen. Ol jattyqtyrýshy retinde Frantsııa Kýbogynyń jáne Frantsııa Lıgasy kýbogynyń ıegeri.
