8 jasar bala besinshi qabattan polıetılen paketin parashıýt qylyp sekirgen

TALDYQORǴAN. QazAqparat - Jetisý oblysynda segiz jasar bala besinshi qabattyń terezesinen qulap, tiri qaldy, dep habarlaıdy QazAqparat tilshisi.

Oqıǵa 25 sáýirde saǵat 12:20-da Tekeli qalasynda boldy. Úıde eresekterdiń qaraýynsyz qalǵan 2015 jyly týǵan bala besinshi qabattyń terezesinen parashıýt túrinde polıetılen paketin paıdalanyp sekirgeni belgili boldy. Qazirgi ýaqytta balanyń jaǵdaıy turaqty. Ol Taldyqorǵan qalasynyń oblystyq aýrýhanasyna jatqyzyldy.

«Belgili bolǵandaı, aǵashqa qulaǵan. Aman qalýyna aǵashtyń da septigi tıgen dep oılaımyz.

Jetisý oblysy TJD azamattardan balalardy eresekterdiń qaraýynsyz qaldyrmaýǵa, sondaı-aq balalardy terezeni ashýdan arnaıy qorǵanys qurylǵylaryn ornatýǵa shaqyrady»,- delingen Jetisý oblysy TJD baspasóz qyzmetiniń habarlamasynda.