8 jasar aqyn J.Dúısenov Astana tórinde jeke shyǵarmashylyq keshin ótkizbek
ASTANA. 1 sáýir. QazAqparat - 5 sáýirde QR Prezıdenttik mádenıet ortalyǵynda respýblıkalyq konkýrstardyń laýreaty, Almaty qalasyndaǵy B.Momyshuly atyndaǵy № 131-shi mektep-lıtseıdiń 3-synyp oqýshysy, segiz jasar aqyn Jambyl Dúısenovtyń «Táýelsizdigim - Táńirden kelgen tátti syı» atty shyǵarmashylyq keshi ótedi.
Jyr alyby Jambyldyń esimin ıelengen bala aqyn eki jasynda árip tanyp, úsh jasynda tutas áripterdi oqyp, al bes jasynda anasyna, ájesine, mektepke arnalǵan óleń joldaryn jaza bastaǵan. Kishkentaıynan ájesiniń ertegi-áńgimesin tyńdap ósken Jambyl, árip tanyǵannan bastap qolynan kitap, gazet-jýrnal túsirmegen. Mektepte de óziniń bilimdiligimen, zerektigimen kózge túsken Jambyl bir jylda 1, 2-synyptardy bitirip, 3-synypqa kóshken.
Búgingi kúnde jas aqynnyń 50-ge jýyq óleńi bar. Jyrlarynyń deni patrıottyq taqyrypta. Atap aıtsaq: «Mártebeli elim»,«Tilim-taǵdyrym», «Perishte tilek», «Men-qazaqpyn» jáne t.b.
Qazirgi kezde bala aqynnyń jetken úlken jetistikteri de az emes. Alǵashqy bas júldeni Bilim kúnine arnalǵan mektepshilik jyr saıysynda jeńip aldy. Odan keıinderi ótken «65 jyl toldy búgin Uly Jeńiske» atty qalalyq jas aqyndar baıqaýynyń, B.Momyshulynyń 100 jyldyǵyna arnalǵan qalalyq múshaıranyń, M.Maqataevtyń 80 jyldyǵyna arnalǵan qalalyq jáne kórkemsóz oqý saıystarynyń bas júldeleri osy aqynǵa buıyrdy.
