8 jasar aqtóbelik keýdeni jerden kóterýden rekord ornatty
AQTÓBE. QazAqparat - Aqtóbelik mektep oqýshysy Musa Týrkýmbaev keýdesin 1013 ret jerden kóterip, Qazaqstan rekordyn jańartty, dep habarlaıdy QazAqparat tilshisi.
«8 jastaǵy Musa keýdesin 1600 ret jerden kótere alady. Buǵan deıin almatylyq 1000 ret keýdesin kóterip, Qazaqstan rekordyn ornatqan. Biz úshin sol kórsetkishten sál ǵana asý jetkilikti boldy. Asa kóp daıyndyq bolmady. Bir kún buryn synǵa túsetinimizdi bilip, senimmen bardyq»,- deıdi Musanyń ákesi Ashat Týrkýmbaev.
Aıta keteıik, Musa bıyl dzıýdo kúresine qatysyp, óziniń sporttaǵy jetistikterin jalǵastyrýdy josparlap qoıǵan. Al Gınnestiń rekordyn jańartý 8 jasar bala úshin ońaı bolǵanymen, qujattaryn tapsyrý qıynǵa soǵyp tur.
«Gınnes rekordyn jańartýdyń qujaty kóp bolǵan soń, biz bárinen bas tarttyq. Musa aldaǵy ýaqytta jattyǵýyn jalǵastyryp, óz baǵytyn aıqyndaıdy»,- dedi A.Týrkýmbaev.
