8 jasar aqtaýlyq shahmatshy Reseı kýbogyn ıelendi
ASTANA. QazAqparat - Aqtaýlyq 8 jasar shahmatshy Nazar Talǵatov Reseıdegi halyqaralyq jarysta chempıon atandy, dep habarlaıdy QazAqparat Lada.kz saıtyna silteme jasap.
«Debıýt» shahmat mektebiniń basshysy Ánýar Shaıhymovtyń málimetinshe, jarysqa Reseıdiń túrli óńirlerinen 200-den astam oıynshy qatysty. Qazaqstannan barǵan jalǵyz sportshylar - «Debıýt» mektebiniń shákirtteri Nazar Talǵatov pen Alan Tasmuhanov boldy.
Segiz jasar Nazar Talǵatov 11 jasqa deıingi sanat boıynsha 34 shahmatshynyń barlyǵyn basyp ozyp, «Jeńis kýbogyn» ıelendi. Ol Marabaev atyndaǵy №7 mekteptiń 2-synyp oqýshysy.
Ánýar Shaıhymovtyń aıtýynsha, bala shahmatty ózinen jasy úlkenderge qaraǵanda áldeqaıda kásibı deńgeıde oınaıdy. Sporttyq birinshi razrıadqa ıe. Sondaı-aq ol rapıdten (jyldam shahmat) Qazaqstan chempıonatynyń qola júldegeri, Qyrǵyzstandaǵy halyqaralyq chempıonattyń altyn medal ıegeri jáne «Aktau Chess Open» halyqaralyq týrnıriniń chempıony.
Taǵy bir aqtaýlyq shahmatshy Alan Tasmuhanov 13 jasqa deıingi sanatta alǵashqy ondyqqa iligip, jetinshi oryn aldy.
