8 tamyz: Týǵan kún ıeleri
ESІMDER
70 jyl buryn (1948) kıno akteri, Qazaqstannyń eńbek sińirgen ártisi ÁKІMOV Dinmuhamed Tileýlesuly dúnıege keldi. Shyǵys Qazaqstan oblysynyń Aıagóz aýdanynda týǵan. «Qazaqfılm» kınostýdııasy janyndaǵy akterlik stýdııany jáne Búkilodaqtyq kınematografııa ınstıtýtyn bitirgen. Kınoda 100-ge jýyq rólde oınaǵan. Ol «Qosh bol, Medeý!», «Adamdy qarsy alyńdar», «Aýylym Alataýdyń baýraıynda», «Sultan Beıbarys», «Qaısar», «Otyrardyń kúıreýi» fılmderine, sheteldik kınolentalaryna da túsken. Qazir rejıssýramen jáne kınoprodıýserlik qyzmetpen shuǵyldanady.
46 jyl buryn (1972) Aqmola oblysy Qorǵaljyn aýdanynyń ákimi Ǵaısa Baýyrjan Seıtqalıuly dúnıege keldi.
Kókshetaý oblysynyń Kýıbyshev aýdanynda týǵan. Chelıabi memlekettik agrarlyq jáne Sh.Ýálıhanov atyndaǵy Kókshetaý Memlekettik ýnıversıtetterin, Polshanyń Kýtne qalasyndaǵy memlekettik joǵary ekonomıkalyq mektebin bitirgen.
Eńbek jolyn 1989 jyly jumysshy retinde bastaǵan.
1994-2005 jyldary jekemenshik salada eńbek etti. Ár jyldary «Qusaıynov jáne K» seriktestiginiń, «Ýaq» ǵylymı-óndiristik birlestiginiń qarjylyq dırektory, bas dırektory, «Dostyq MTS» seriktestiginiń dırektory boldy.
2013-2014 jyldary «Nur Otan» partııasy Kókshetaý qalalyq fılıaly tóraǵasynyń birinshi orynbasary, 2014-2016 jyldary «Nur Otan» partııasynyń oblystyq fılıaly tóraǵasynyń orynbasary boldy. 2016-2018 jyldary Kókshetaý qalalyq máslıhatynyń hatshysy bolyp qyzmet istedi.
2018 jylǵy maýsymnan beri - qazirgi qyzmetinde .
34 jyl buryn (1984) «Almaty qalasyn damytý ortalyǵy» AQ basshysynyń orynbasary ÁBDÝALIEV Áset Qýandyquly dúnıege keldi.
Shyǵys Qazaqstan oblysynyń Semeı qalasynda týǵan.
L. N. Gýmılev atyndaǵy Eýrazııa ulttyq ýnıversıtetin «Halyqaralyq quqyq» mamandyǵy boıynsha, Ulybrıtanııadaǵy University of Dundee ýnıversıtetin magıstr dárejesimen, AQSh-tyń Winthrop University ýnıversıtetin támamdaǵan.
Eńbek jolyn 2002 jyly bastaǵan. Ár jyldary «Halyqaralyq baǵdarlamalar ortalyǵy» AQ vıtse-prezıdenti, «Bolashaq» stıpendııasynyń ákimshisi bolyp qyzmet etken. Sonymen qatar, Qazaqstan Respýblıkasynyń Prezıdent Ákimshiliginde jáne halyqaralyq kompanııalarda qyzmet atqardy. 2015-2016 jyldary «Almaty qalasynyń halyqaralyq sport jobalary dırektsııasynyń» dırektory bolyp jumys jasaǵan.
2016 jyldan beri qazirgi qyzmetinde.