8 tamyz kúni respýblıkanyń soltústiginde burshaq jaýýy yqtımal
ASTANA. QazAqparat - 8 tamyz kúni Qazaqstan terrıtorııasynyń soltústik, ortalyq jáne ońtústik-shyǵys bólikterinde atmosferalyq frontaldy bólikterdiń ótýine baılanysty, turaqsyz aýa raıy saqtalady, jańbyr jaýyp, naızaǵaı bolady, túnde jáne tańerten soltústiktiń keı jerlerinde tuman baıqalady, kúndiz jekelengen aımaqtarda burshaq jaýýy yqtımal.
Bul týraly Qazgıdromet habarlady.
Respýblıkanyń kalǵan aımaqtarynda aýa raıy jaýyn-shashynsyz. Keı jerlerde jel kúsheıedi, respýblıkanyń ońtústiginde jel shańdy daýylmen bolady. Almaty, Jambyl, Qyzylorda, Ońtústik Qazaqstan, Qaraǵandy, Pavlodar, kúndiz Batys Qazaqstan oblystarynyń keı jerlerinde jel 15-20 m/s kúsheıedi, Almaty, Qyzylorda, Ońtústik Qazaqstan oblystarynda jel shańdy daýylmen bolady. Soltústik Qazaqstan, Shyǵys Qazaqstan oblystarynda keı jerlerinde jel 15-20 m/s kúsheıedi, kúndiz burshaq jaýýy yqtımal. Aqmola oblysynyń keı jerlerinde jel 15-20 m/s kúsheıedi, túnde jáne tańerteń keı jerlerinde tuman baıqalady. Kúndiz Almaty oblysynda qatty ystyq saqtalady. Atyraý, Aqtóbe, Qyzylorda, Ońtústik Qazaqstan, Jambyl oblystarynyń basym bóliginde, Qaraǵandy, Almaty, Batys Qazaqstan Qostanaı, Shyǵys Qazaqstan oblystarynyń keı jerlerinde óte joǵary órt qaýpi saqtalady.
