8 tamyz. Tulǵalar týǵan kún
Búgin, 8 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
48 jyl buryn (1977) «Qazgıdromet» RMK Bas dırektory Danara Qızatqyzy ÁLІMBAEVA dúnıege keldi.
Meteorologııa, qarjy, qoldanbaly ekologııa mamandyqtary boıynsha bilim alǵan.
Eńbek jolyn 2022 jyly «Qazgıdromet» kásipornynda tehnık-meteorolog bolyp bastaǵan. 2003-2015 jyldary osy kásiporynda ınjener-meteorolog, jetekshi ınjener-meteorolog, meteorologııa basqarmasynyń basshysy, meteorologııa departamentiniń dırektory bolyp jumys istedi. 2015-2017 jyldary «Qazgıdromettiń» ekologııa monıtorıngi departamentiniń dırektory, 2017-2020 jyldary «Qazgıdromet» RMK bas dırektorynyń orynbasary bolyp qyzmet etti.
Qazirgi laýazymyn 2020 jyldyń naýryzynan beri atqaryp keledi.
45 jyl buryn (1980)Qazaqstan Respýblıkasy Parlamenti Májilisiniń VIIІ shaqyrylym depýtaty, Ekonomıkalyq reforma jáne óńirlik damý komıtetiniń múshesi Anas Ahatuly BAQQOJAEV dúnıege keldi.
Jetisý oblysynyń týmasy. 2001 jyly Qazaq Ulttyq agrarlyq ýnıversıtetin «Injener-mehanık» mamandyǵy, 2021 jyly S.Seıfýllın atyndaǵy Qazaq ggrotehnıkalyq zertteý ýnıversıtetiniń magıstratýrasyn «Ekonomıka» salasy boıynsha bilim alǵan.
Eńbek joly: 2001-2003 jyldary QR Aýyl sharashylyǵy mınıstrliginde bas maman, 2003-2009 jyldary «QazAgroMarketıng» AQ departament dırektory, 2009-2011 jyldary Mal sharýashylyǵy jáne veterınarııa ǵylymı-ınnovatsııalyq ortalyǵynyń bas dırektory, 2012-2013 jyldary «QazAgro» ulttyq holdınginiń basqarýshy dırektory, 2013-2015 jyldary «QazAgroÓnim» AQ Basqarma Tóraǵasynyń orynbasary, 2015-2016 jyldary Qaraǵandy qalasyndaǵy et óńdeý kombınatynyń dırektory, 2016-2017 jyldary «Atameken» UKP «Agrobiliktilik» ortalyǵynyń eksperti, 2017-2018 jyldary «Asyl Túlik» AQ Basqarma tóraǵasy, 2019-2020 jyldary «BıoProfı» kompanııasynyń dırektory, 2020-2022 jyldary «Aýyl» halyqtyq-demokratııalyq patrıottyq partııasynyń hatshysy, Saıası keńesi Prezıdıýmynyń múshesi, 2018-2022 aralyǵynda Qazaq radıosynda «Agrarly Qazaqstan» habaryn júrgizgen.
2023 jyldyń naýryz aıynan bastap Parlament Májilisiniń 8 shaqyrylym depýtaty.
41 jyl buryn (1984) Qazaqstan Respýblıkasy Indýstrııa jáne qurylys vıtse-mınıstri Qýandyq Jumabekuly QAJKENOV dúnıege keldi.
Kókshetaý oblysynda týǵan. S.Seıfýllın atyndaǵy Qazaq agrarlyq ýnıversıtetin «Ónerkásiptik kásiporyndardy elektrmen jabdyqtaý» mamandyǵy boıynsha, «ınjener» biliktiligimen (2006), «Kókshe» akademııasyn «Quqyqtaný» mamandyǵy boıynsha (2015 j) bitirgen.
Eńbek joly: 2006-2008 jyldary «Arch-Idea» JShS ınjener-elektrıgi, 2008-2009 jyldary «Jańa jobalar» ǵylymı-tehnıkalyq ortalyǵy» JShS ınjener-konstrýktory, 2009-2011 jyldary «Memsaraptama» RMK ádisteme jáne aqparattyq qamtamasyz etý bóliminiń mamany, 2011-2012 jyldary «Memsaraptama» RMK ádisteme jáne aqparattyq qamtamasyz etý bóliminiń ádisteme jáne aqparattyq qamtamasyz etý sektorynyń jetekshi mamany, 2012-2013 jyldary «Memsaraptama» RMK fılıaldarymen jumys bóliminiń jetekshi mamany, 2013-2015 jyldary «Memsaraptama» RMK fılıaldarymen jumys bóliminiń bastyǵy, 2015-2016 jyldary «Memlekettik saraptama» memlekettik kásiporny ádisteme bóliminiń basshysy, 2016-2017 jyldary «Memsaraptama» RMK Soltústik aımaqtyq fılıaly dırektorynyń orynbasary, 2017 jyly «Memlekettik saraptama» memlekettik kásipornynyń ádisteme bóliminiń basshysy, 2017-2021 jyldary «Aqparattyq tehnologııalar salasyndaǵy memlekettik saraptama» memlekettik kásiporny bas dırektorynyń orynbasary, 2021-2024 jyldary «Memsaraptama» RMK bas dırektory qyzmetin atqardy.
2024 jyldyń sáýir aıynan bastap qazirgi qyzmetinde.
40 jyl buryn (1985) Abaı oblysy ákiminiń baspasóz hatshysy Azamat Ábiluly QASYMOV dúnıege keldi.
Semeı oblysy, Abaı aýdany, Qaraýyl aýylynda týǵan. Ál-Farabı atyndaǵy Qazaq ulttyq ýnıversıtetin «Jýrnalıstıka» mamandyǵy boıynsha bitirgen.
Eńbek jolyn 2005 jyly Almaty qalasyndaǵy «Almaty aqshamy» gazetinde tilshi bolyp bastaǵan. 2009-2017 jyldary «Shyǵys Aqparat» QMK qarasty Shyǵys Qazaqstan oblystyq «Dıdar» gazetinde tilshi, sholýshy, rýhanııat bóliminiń meńgerýshisi, bas redaktordyń orynbasary, 2017-2020 jyldary respýblıkalyq «Egemen Qazaqstan» gazetiniń Shyǵys Qazaqstan oblysyndaǵy menshikti tilshisi, 2020-2021 jyldary -«Qazaqstan» RTRK» AQ Shyǵys Qazaqstan oblysy fılıaly qazaq redaktsııasynyń shef-redaktory, 2021-2022 jyldary respýblıkalyq «Aıqyn» gazetiniń Shyǵys Qazaqstan oblysyndaǵy menshikti tilshisi, 2022-2024 jyldary «Habar agenttigi» AQ Shyǵys Qazaqstan jáne Abaı oblystaryndaǵy menshikti tilshisi, 2024-2025 jyldary Abaı oblysy ákiminiń keńesshisi laýazymyn atqardy.
2025 jyldyń aqpanynan bastap Abaı oblysy ákiminiń baspasóz hatshysy.