8-synyp oqýshysynyń júktiligine qatysty Jetisý oblysynyń aýdan ákimdigi túsinik berdi

TALDYQORǴAN. QazAqparat – Jetisý oblysy Panfılov aýdanynyń ákimdigi júkti bolyp qalǵan 8-synyp oqýshysyna qatysty túsinik berdi, dep habarlaıdy QazAqparat tilshisi.

Lesnovka aýylyndaǵy mektep oqýshysynyń júktiligi týraly aqparatty Panfılov aýdany ákimdiginiń baspasóz qyzmeti rastady.

«Jigit otbasyly. 1999 jyly týǵan. Áskerı qyzmetshi. Qamaýǵa alyndy. Al oqýshy qyz 2008 jyly týǵan, 8-synypta oqıdy. Olar osy jazda áleýmettik jeli arqyly tanysqan. Ekeýiniń arasyndaǵy jaǵdaı óz qalaýymen bolǵan. Oqýshy qyz júkti. Qazir bilim bólimi tarapynan balanyń ózimen, ata-anasymen psıhologııalyq turǵyda jumystar júrgizip jatyr», - dedi QazAqparat tilshisine Panfılov aýdany ákiminiń baspasóz qyzmetiniń ókili Nurbol Qanaǵatuly.

Vedomstvo ókiliniń sózinshe, qyz bala tolyq otbasynda tárbıelenýde. Biraq otbasynyń áleýmettik sanaty – az qamtylǵan.

Foto: shutterstock.com