8-synyp oqýshysyn soqqyǵa jyqqan ákimniń ústinen is qozǵaldy
KÓKShETAÝ. QazAqparat - Aqmola oblysynda 8-synyp oqýshysyn soqqyǵa jyqqan Qorǵaljyn aýyldyq okrýginiń ákimi Janat Omarovtyń ústinen is qozǵaldy, dep habarlaıdy QazAqparat tilshisi aımaqtyq ІІD baspasóz qyzmetine silteme jasap.
Eske sala keteıik, Qorǵaljyn aýdanynyń turǵyny Aıgúl Bekjanova feısbýk áleýmettik jelisine A.Tóleýbaev atyndaǵy orta mektepte oqıtyn uly, 8-synyp oqýshysy Dıas Muqandy Qorǵaljyn aýyldyq okrýginiń ákimi Janat Omarov soqqyǵa jyqandyǵy týraly jazǵan bolatyn. Onda zardap shekken balanyń anasy ulynyń «mıy shaıqalǵan» dıagnozymen Qorǵaljyn aýdandyq aýrhanasyna, keıin Astana qalasyndaǵy №2 aýrýhanasyna jetkizip, neırohırýrgııa bólimshesinde jatqanyn aıtqan edi. Bul jazba kópshilik arasynda narazylyq týdyryp, áleýmettik jeli qoldanýshylary oqýshyǵa qol kótergen ákimniń isin qatań synǵa aldy.
Osy másele boıynsha QazAqparat HAA tilshisi prokýratýra organdaryna saýal joldady. QR Bas prokýratýrasynyń baspasóz qyzmeti saýalǵa jaýap retinde tómendegini habarlady:
«Muqan Dıastyń densaýlyǵyna zııan keltirý faktisi boıynsha Qorǵaljyn aýdandyq ishki ister bólimimen qylmystyq is qozǵalyp, tergelýde. Tergeý barysynda J. Omarovtyń əreketterine quqyqtyq baǵa berilip, jaqyn arada protsessýaldyq sheshim qabyldanady. Qylmystyq istiń tergelýi Aqmola oblysy prokýratýrasynyń baqylaýyna alyndy».
