8-synyp oqýshysy jasóspirimdi qaǵyp ketti

KÓKShETAÝ. QazAqparat - Aqmola oblysynyń Zerendi aýdanynda ákesiniń kóligin ruqsatsyz mingen 8-synyp oqýshysy 15-tegi jasóspirimdi qaǵyp ketti, dep habarlaıdy QazAqparat tilshisi oblystyq PD baspasóz qyzmetine silteme jasap.

Vedomstvonyń málimetinshe, jol-kólik oqıǵasy Shaǵalaly aýylynda 8 sáýir kúni saǵat 21:25-te bolǵan. Oqıǵa týraly Zerendi aýdandyq PB kezekshi bólimine jergilikti feldsher habarlaıdy.

«8-synyp oqýshysy ákesine tıesili «VAZ-21112» avtokóligin ruqsatyz minip ketken. Sóıtip, dúken mańynan ótip bara jatqan 15 jasar jasóspirimdi baıqamaı qaǵyp ketedi. Zardap shegýshi túrli dene jaraqatymen aýrýhanaǵa jetkizildi», - dedi vedomstvodan.

Osy oqıǵaǵa baılanysty Qylmystyq kodekstiń 345-baby 1-bóligi «Jol júrý erjesin buzý» boıynsha sotqa deıingi is qozǵalyp, kólik aıyppul turaǵyna qoıyldy. Kináli balanyń ákesin ákimshilik jaýapkershilikke tartý máselesi qarastyrylyp jatyr.

Eske sala keteıik, Qyzylordada júrginshiler jolaǵynan ótpek bolǵan oqýshyny kólik qaǵyp ketken edi.