8 shildede birqatar óńirde naızaǵaı oınap, burshaq jaýady, órt qaýpi de bar

ASTANA. KAZINFORM — 8 shildede Qazaqstan aýmaǵynyń bir bóliginde qaýipti meteorologııalyq qubylystar boljanýda, dep habarlaıdy «Qazgıdromet» RMK.

Atmosferalyq frontaldy bólikterdiń áserinen respýblıkanyń soltústiginde, shyǵysynda jáne ońtústik-shyǵysynda aýa raıy turaqsyz bolady: naızaǵaı oınap, jańbyr jaýady. Eldiń shyǵysynda qatty jańbyr jaýýy múmkin. Kúndizgi ýaqytta burshaq kútiledi. Qalǵan óńirlerde antıtsıklon áserinen jaýyn-shashynsyz aýa raıy boljanýda.

Elimizdiń basym bóliginde jel kúsheıedi. Shyǵys Qazaqstanda daýyl soǵýy yqtımal.

Joǵary órt qaýpi Mańǵystaý, Atyraý oblystarynda, Almaty oblysynyń ońtústigi men shyǵysynda, Shyǵys Qazaqstan oblysynyń ońtústigi, ortalyǵy jáne ońtústik-shyǵysynda, Aqtóbe oblysynyń ońtústik-shyǵysynda, Ulytaý oblysynyń ortalyǵynda kútiledi.

Tótenshe órt qaýpi Jambyl, Qyzylorda, Túrkistan oblystarynda, Jetisý oblysynyń soltústigi men batysynda, Almaty oblysynyń ortalyǵynda, Qaraǵandy oblysynyń batysy, ońtústigi men shyǵysynda, Ulytaý oblysynda, Aqtóbe oblysynyń ortalyǵy, Mańǵystaý oblysynyń soltústik-batysy, Qostanaı oblysynyń ońtústik-batysy jáne Abaı oblysynyń ońtústiginde boljanady.

Sondaı-aq:

• Atyraý, Almaty oblystarynda kúndiz +35°S,

• Túrkistan oblysynyń batysynda +40°S,

• Jetisý oblysynyń shyǵysy men soltústiginde +35...+37°S aptap ystyq kútiledi.