8 shildege arnalǵan aýa raıy boljamy
NUR-SULTAN. QazAqparat - Qazgıdromet mamandary 8 shilde kúni aýa raıy qandaı bolatynyn aıtty, dep habarlaıdy QazAqparat.
Atmosferalyq fronttardyń áserinen respýblıkanyń soltústik-batysynda, soltústikte, ortalyqta jáne shyǵysta naızaǵaı oınap, jańbyr jaýady. Ońtústikte jáne batysta jaýyn-shashynsyz aýa raıy saqtalady. Keı jerlerde jel kúsheıip, ońtústikte shańdy daýyl soǵady. Soltústikte túnde jáne tańerteń tuman túsedi, kúndiz shyǵysta burshaq jaýýy yqtımal.
Shyǵys Qazaqstan oblysynyń keı jerlerinde jel jyldamdyǵy 15-20 m/s jetedi, kúndiz burshaq jaýýy yqtımal.
Qostanaı, Soltústik Qazaqstan, Pavlodar oblystarynda túnde jáne tańerten tuman túsedi. Pavlodar oblysynyń keı jerlerinde jel qarqyny - 18 m/s.
Qyzylorda oblysynyń keı jerlerinde jel 15-20 m/s deıin kúsheıip, shańdy daýyl turady.
Aqtóbe, Túrkistan oblystarynyń keı jerlerinde jel ekpini - 15-20 m/s.
Atyraý, Batys Qazaqstan, Mańǵystaý, Aqtóbe, Qyzylorda oblystarynda kúndiz aptap ystyq bolady.
Qyzylorda oblysynyń basym bóliginde, Túrkistan, Jambyl, Almaty, Qaraǵandy oblystarynyń keı jerlerinde, Aqtóbe oblysynyń ońtústiginde, Atyraý oblysynyń batysynda óte joǵary órt qaýpi saqtalady.
