8 shildede ótetin mańyzdy sharalar ańdatpasy
NUR-SULTAN. QazAqparat – «QazAqparat» halyqaralyq aqparat agenttigi 8 shilde kúni Nur-Sultanda ótetin mańyzdy sharalar ańdatpasyn usynady.
***
10:00-de «Jastar» saraıynda qalanyń Investıtsııalar jáne kásipkerlikti damytý basqarmasy, halyqty jumyspen qamtý ortalyǵy, «Astana» ÁKK, «AstanaInvest» ınvestıtsııalardy damytý ortalyǵy, «Damý» qory, «Atameken» ulttyq palatasy, sondaı-aq ekinshi deńgeıli bankter men qarjy uıymdary ókilderiniń qatysýymen kásipkerler úshin Ashyq esik kúni ótedi.
10:00-de Qazaqstan Respýblıkasyndaǵy Ózbekstan Respýblıkasy elshiliginde BAQ ókilderi men sarapshylar úshin Ózbekstandaǵy konstıtýtsııalyq reformalar máseleleri, sondaı-aq 1-2 shildede Qaraqalpaqstan Respýblıkasynda bolǵan oqıǵalar jóninde brıfıng ótedi.
11:00-de QR Ulttyq mýzeıinde qaıta qalpyna keltirýshi, sheber, usta, saıahatshy Sársenbaı Ospanulymen kezdesý ótedi.
14:30-da QR Prezıdenti janyndaǵy Ortalyq kommýnıkatsııalar qyzmetinde «Memleket basshysynyń tapsyrmalary aıasynda Nur-Sultan qalasynyń áleýmettik-ekonomıkalyq damýy týraly» baspasóz máslıhaty ótedi. Spıker: Nur-Sultan qalasynyń ákimi Altaı Kólginov. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
16:00-de qalalyq máslıhattyń májilis zalynda Nur-Sultan qalasynyń Qoǵamdyq keńesiniń otyrysy ótedi.
19:00-de «Astana Balet» sahnasynda «Orfeı men Evrıdıka» baletiniń premerasy.
19:00-de Jas kórermenderdiń mýzykalyq teatrynda «Shámshi» mıýzıkli kórsetiledi.
19:30-da Nur-Sultan qalasy fılarmonııasynyń kontsert zalynda «Juldyzdar quttyqtaıdy» kontserti bolady.
