8 shilde. Tulǵalar týǵan kún

ASTANA. QazAqparat - Búgin, 8 shilde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

73 jyl buryn (1950) memleket qaıratkeri, QR Parlament Senaty janyndaǵy Senatorlar keńesiniń múshesi Ikram Adyrbekuly ADYRBEKOV dúnıege keldi.

Tashkent oblysynda (Ózbekstan) týǵan. Almaty zooveterınarlyq ınstıtýtyn, Reseı Federatsııasy Prezıdentiniń janyndaǵy Reseı memlekettik qyzmet akademııasyn bitirgen. Zootehnık ǵalym, ekonomıst, memlekettik jáne mýnıtsıpaldyq basqarý menedjeri, e.ǵ.d.

Dıplomattyq dárejesi - Tótenshe jáne Ókiletti Elshi. QR Syrtqy ister mınıstriniń orynbasary, Qyzylorda oblysynyń ákimi, Lıtva, Malaızııa jáne Qytaı Halyq Respýblıkasynda Qazaqstan Respýblıkasynyń Tótenshe jáne Ókiletti Elshisi bolyp qyzmet istegen.

2011-2017 jyldary - Qazaqstan Respýblıkasy Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraǵasy Qazaqstan Respýblıkasy Parlamenti Senatynyń depýtaty.

Qazirgi qyzmetin 2019 jylǵy qyrkúıek aıynan beri atqaryp keledi.

Qazaqstan Respýblıkasy Prezıdentiniń Jarlyǵymen taǵaıyndalǵan. «Qurmet», «Parasat», shetel ordenderimen, bes medalmen marapattalǵan.

6 5 jyl buryn (1958) Ál-Farabı atyndaǵy Qazaq Ulttyq ýnıversıtetiniń rektory Janseıit Qanseıituly TÚIMEBAEV dúnıege keldi.

1980 jyly S.M.Kırov atyndaǵy QazMÝ-dyń fılologııa fakýltetin, 2000 jyly Máskeý memlekettik áleýmettik ýnıversıtetiniń zań fakýltetin bitirgen. Fılologııa ǵylymdarynyń doktory, professor.

1980-1993 jyldary QazMÝ-da assıstent, aǵa oqytýshy, dotsent bolyp jumys istedi. 1993 jyldan dıplomatııalyq qyzmette boldy.

1993-1994 jyldary QR syrtqy ister mınıstrliginde birinshi hatshy, bólim bastyǵy, 1997-1999 jyldary QR Prezıdenti protokol qyzmetiniń bas sarapshysy, 1999 jyly Qazaqstan Respýblıkasynyń Ystanbul qalasyndaǵy Bas konsýly, 1999-2004 jyldary QR Prezıdenti protokolynyń bastyǵy, 2004 jyldan 2006 jylǵa deıin QR Prezıdenti protokolynyń bastyǵy - QR Prezıdentiniń keńesshisi.

2006 jyldyń aqpanynan 2007 qańtaryna deıin Qazaqstan Respýblıkasynyń Reseı Federatsııasyndaǵy Tótenshe jáne Ókiletti elshisi. 2007-2010 jyldary QR Bilim jáne ǵylym mınıstri. 2010-2016 jyldary Túrik Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Albanııa Respýblıkasyndaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy.

Ońtústik Qazaqstan oblysynyń ákimi (2016-2018); Túrkistan oblysynyń ákimi (2018-2019). Qazaqstan halqy Assambleıasy tóraǵasynyń orynbasary, Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi (2019-2021).

Qazirgi qyzmetin 2021 jylǵy aqpannan beri atqaryp keledi.

45 jyl buryn (1978) Qyzylorda qalasynyń ákimi Asylbek Ómirbekuly ShAMENOV dúnıege keldi.

Qyzylorda oblysy, Jalaǵash aýdanynda dúnıege kelgen. 1999 jyly Almaty memlekettik ýnıversıtetin «Halyqaralyq týrızm» mamandyǵy boıynsha bitirgen.; 2004 jyly – Qorqyt Ata atyndaǵy Qyzylorda memlekettik ýnıversıtetin «Gaz jáne munaı ken oryndaryn ıgerý» mamandyǵy boıynsha bitirgen.;

2014 jyly-Qorqyt Ata atyndaǵy Qyzylorda memlekettik ýnıversıtetin «Tehnıka jáne tehnologııa» mamandyǵy boıynsha támamdaǵan.

Eńbek jolyn 1999 jyly «Qyzylorda ıntegratsııa» JShS-de menedjer laýazymynan bastady.
2000-2006 jj. - «Jibek-joly» kompanııasynyń týrızm jónindegi menedjeri, Qyzylorda qalasyn gazdandyrýdyń salynyp jatqan obektileri dırektsııasynyń jetekshi ınjeneri;
2006-2009 jj.-Qyzylorda oblystyq energetıka jáne turǵyn úı-kommýnaldyq sharýashylyq departamentiniń jetekshi mamany, bas mamany;
2009-2012 jj.-Qyzylorda oblystyq memlekettik sáýlet-qurylys baqylaý basqarmasynyń bas mamany, bólim bastyǵy;
2012-2015 jj.-Qyzylorda oblystyq energetıka jáne turǵyn úı-kommýnaldyq sharýashylyq basqarmasynyń bólim bastyǵy, basqarma bastyǵynyń orynbasary;
2015-2018 jj.-Qyzylorda qalasy ákiminiń orynbasary;
2018-2020 jj.-Qyzylorda oblysy jumyldyrý daıyndyǵy basqarmasynyń basshysy;
2020-2022 jj.-Jalaǵash aýdanynyń ákimi;
2022 jylǵy 28 sáýirde Qyzylorda oblysy ákiminiń ókimimen Qyzylorda qalasynyń ákimi laýazymyna taǵaıyndaldy.

44 jyl buryn (1979) «QazTransOıl» AQ Basqarma tóraǵasy Talǵat Nasımýllauly QURMANBAEV dúnıege keldi.

Almaty qalasynda dúnıege kelgen. 2000 jyly Qazaq memlekettik zań akademııasyn, 2004 jyly Qanysh Sátbaev atyndaǵy Qazaq memlekettik ulttyq tehnıkalyq ýnıversıtetin bitirgen.

2000 jyldan bastap munaı salasynda jumys isteı bastady.

«QazTransOıl» AQ tasymaldaý jónindegi atqarýshy dırektory, «QazMunaıGaz-Aero» JShS bas dırektory, energetıka mınıstrligi munaıdy tasymaldaý jáne óńdeý departamenti dırektorynyń orynbasary boldy.

Qazirgi qyzmetin 2023 jyldyń naýryz aıynan bastap atqaryp keledi.

43 jyl buryn (1980) QR Premer-Mınıstriniń Keńsesi basshysynyń birinshi orynbasary Ǵabıt Ábdimajıtuly SYZDYQBEKOV dúnıege keldi.

Shymkent qalasynda týǵan. Qazaq memlekettik zań ýnıversıtetin, RF SІM Dıplomatııalyq akademııasyn bitirgen.

Eńbek joly: 2004-2007 jyldary – Memlekettik protokol qyzmetiniń attashesi; Memlekettik protokol qyzmetiniń úshinshi hatshysy; Eýropa jáne Amerıka departamentiniń úshinshi hatshysy; QR SІM Keńsesi Baspasóz qyzmetiniń úshinshi hatshysy; ekinshi hatshysy. 2007-2011 jyldary – Parlamentaralyq baılanystar jáne halyqaralyq yntymaqtastyq bóliminiń bas sarapshysy; Parlamentaralyq baılanystar jáne halyqaralyq yntymaqtastyq bóliminiń bas konsýltanty-sektor meńgerýshisiniń m.a.; Halyqaralyq qatynastar, qorǵanys jáne qaýipsizdik komıtetimen ózara is-qımyl jónindegi bólim meńgerýshisiniń orynbasary, bólim meńgerýshisi; QR Parlamenti Senatynyń Apparaty. 2011-2012 jyldary – QR SІM Azııa jáne Afrıka departamentiniń basqarma basshysy. 2012-2017 jyldary – Frantsııa Respýblıkasyndaǵy Qazaqstan Respýblıkasy Elshiliginiń keńesshisi. 2017 jyly – QR SІM Ákimshilik jáne baqylaý departamentiniń keńesshisi. 2017-2019 jyldary – QR Parlamenti Senaty tóraǵasynyń keńesshisi; QR Parlamenti Senaty Apparatynyń Halyqaralyq qatynastar, qorǵanys jáne qaýipsizdik komıtetimen ózara is-qımyl bóliminiń meńgerýshisi. 2019 jyly – QR SІM Erekshe tapsyrmalar jónindegi elshisi. 2019-2021 jyldary – Qazaqstan Respýblıkasynyń Serbııa Respýblıkasyndaǵy Tótenshe jáne Ókiletti elshisi.

Qazirgi qyzmetin 2021 jyldyń shilde aıynan beri atqaryp keledi.

41 jyl buryn (1982) Ulytaý oblysy ákimi apparatynyń basshysy Abzal Álipuly JAILYBAEV dúnıege keldi.

Qaraǵandy oblysynda týǵan. Qaraǵandy memlekettik tehnıkalyq ýnıversıtetin, Qaraǵandy ekonomıkalyq ýnıversıtetin bitirgen.

Eńbek jolyn 2004 jyly Jańaarqa aýdany boıynsha salyq komıtetiniń baǵdarlamashysy bolyp bastady.

Jańaarqa aýdany ákimi apparatynyń uıymdastyrý jáne kadr jumysy bóliminiń bas mamany, Jańaarqa aýdanynyń qarjy bóliminiń bastyǵy, Jańaarqa aýdany ákimi apparatynyń basshysy (2004-2010); Qaraǵandy oblysy ákimi apparatynyń uıymdastyrý-ınspektorlyq bóliminiń bas ınspektory, Qaraǵandy oblysy ákimi apparatynyń qurylys, baılanys jáne jol-kólik ınfraqurylymy bóliminiń meńgerýshisi, Qaraǵandy oblysy ákimi apparatynyń áleýmettik-ekonomıkalyq damý, qurylys, kólik jáne kommýnıkatsııa bóliminiń meńgerýshisi, Qaraǵandy oblysy ákimi apparatynyń ekonomıkalyq damý jáne taldaý bóliminiń basshysy, Qaraǵandy oblysy ákimi apparaty basshysynyń orynbasary (2010-2019); «Qaraǵandy oblysynyń qurylys, sáýlet jáne qala qurylysy basqarmasy» MM basshysynyń orynbasary (2019-2021); Qaraǵandy oblysynyń qurylys, sáýlet jáne qala qurylysy basqarmasynyń basshysy (2021-2022).

Qazirgi qyzmetinde 2022 jylǵy maýsymnan bastap.

36 jyl buryn (1987) «Qazposhta» AQ Basqarma tóraıymy Ásel Jubanyshqyzy JANASOVA dúnıege keldi.

Almaty qalasynda týǵan. «Bolashaq» baǵdarlamasymen Kembrıdj ýnıversıtetin, M. Lomonosov atyndaǵy MMÝ-di «Executive Management» baǵdarlamasy boıynsha bitirgen.

London qalasyndaǵy Eurasian Natural Resources Corporation PLC kompanııasynda aqparattyq tehnologııalar mamany, Aqparattyq tehnologııalar basqarmasynyń menedjeri, Aqparattyq tehnologııalar qaýipsizdigi departamentiniń dırektory (2010-2014).

QR Ulttyq bankiniń «Banktik servıs bıýrosy» RMK dırektorynyń keńesshisi, QR Ulttyq bankiniń Tsıfrlyq tehnologııalar departamentiniń dırektorynyń orynbasary boldy (2014-2016).

«Zerde» ulttyq basqarýshy holdıngi» AQ basqarma tóraıymy (2016-2017), «Astana» Halyqaralyq qarjy ortalyǵynyń basqarýshysynyń keńesshisi (2017-2018).

«Astana» Halyqaralyq qarjy ortalyǵynyń tsıfrlyq tehnologııalar jónindegi basqarýshy dırektory qyzmetin atqardy (2018-2020).

Qazaqstan Respýblıkasy saýda jáne ıntegratsııa vıtse-mınıstri (07.2020-30.09.2022).

Qazirgi qyzmetinde – 2022 jyldyń qazan aıynan beri.