8 shilde. Týǵan kún ıeleri
ESІMDER
69 jyl buryn (1950) memleket qaıratkeriIkram Adyrbekuly ADYRBEKOV dúnıege keldi.
Ol Tashkent oblysynda (Ózbekstan) týǵan. Almaty zooveterınarlyq ınstıtýtyn, Reseı Federatsııasy Prezıdentiniń janyndaǵy Reseı memlekettik qyzmet akademııasyn bitirgen. Zootehnık ǵalym, ekonomıst, memlekettik jáne mýnıtsıpaldyq basqarý menedjeri, e.ǵ.d. Dıplomattyq dárejesi - Tótenshe jáne Ókiletti Elshi.
QR Syrtqy ister mınıstriniń orynbasary, Qyzylorda oblysynyń ákimi, Lıtva, Malaızııa jáne Qytaı Halyq Respýblıkasynda Qazaqstan Respýblıkasynyń Tótenshe jáne Ókiletti Elshisi bolyp qyzmet istegen. 2011-2017 jyldary - Qazaqstan Respýblıkasy Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraǵasy Qazaqstan Respýblıkasy Parlamenti Senatynyń depýtaty. Qazaqstan Respýblıkasy Prezıdentiniń Jarlyǵymen taǵaıyndalǵan.
«Qurmet», «Parasat», shetel ordenderimen, bes medalmen marapattalǵan.
61 jyl buryn (1958) Qazaqstan halqy Assambleıasy tóraǵasynyń orynbasary, Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi Janseıit Qanseıituly TÚIMEBAEV dúnıege keldi.
1980 jyly S.M.Kırov atyndaǵy QazMÝ-dyń fılologııa fakýltetin, 2000 jyly Máskeý memlekettik áleýmettik ýnıversıtetiniń zań fakýltetin bitirgen. Fılologııa ǵylymdarynyń doktory, professor. 1980-1993 jyldary QazMÝ-da assıstent, aǵa oqytýshy, dotsent bolyp jumys istedi.
1993 jyldan dıplomatııalyq qyzmette boldy. 1993-1994 jyldary QR syrtqy ister mınıstrliginde birinshi hatshy, bólim bastyǵy, 1997-1999 jyldary QR Prezıdenti protokol qyzmetiniń bas sarapshysy, 1999 jyly Qazaqstan Respýblıkasynyń Ystanbul qalasyndaǵy Bas konsýly, 1999-2004 jyldary QR Prezıdenti protokolynyń bastyǵy, 2004 jyldan 2006 jylǵa deıin QR Prezıdenti protokolynyń bastyǵy - QR Prezıdentiniń keńesshisi. 2006 jyldyń aqpanynan 2007 qańtaryna deıin Qazaqstan Respýblıkasynyń Reseı Federatsııasyndaǵy Tótenshe jáne Ókiletti elshisi. 2007-2010 jyldary QR Bilim jáne ǵylym mınıstri. 2010-2016 jyldary Túrik Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Albanııa Respýblıkasyndaǵy Tótenshe jáne Ókiletti Elshisi qyzmetin qosa atqarýshy bolyp taǵaıyndaldy. Ońtústik Qazaqstan oblysynyń ákimi (2016-2018); Túrkistan oblysynyń ákimi (2018-2019).
Qazirgi qyzmetin 2019 jylǵy aqpannan beri atqaryp keledi.
42 jyl buryn (1977) «Azamattarǵa arnalǵan úkimet» Memlekettik korporatsııasy» KEAQ basqarma tóraǵasy Ásemgúl Serikqyzy BALTAShEVA dúnıege kelgen.
Ol S. Toraıǵyrov atyndaǵy Pavlodar memlekettik ýnıversıtetin; Qaraǵandy memlekettik tehnıka ýnıversıtetin bitirgen.
Eńbek joly: «Qazaqtelekom» AQ Pavlodar oblystyq telekommýnıkatsııalar dırektsııasynda túrli laýazymdar atqarǵan (1997-2011); «HQO» RMK bas dırektorynyń avtomattandyrý jáne qyzmetti uıymdastyrý jónindegi orynbasary; «HQO» RMK Pavlodar oblysy boıynsha fılıalynyń dırektory (2011-2015); QR Investıtsııalar jáne damý mınıstrliginiń «halyqqa qyzmet kórsetý ortalyǵy» RMK bas dırektory (2015-2017); «Azamattarǵa arnalǵan úkimet» memlekettik korporatsııasy basqarma tóraǵasynyń orynbasary.
Qazirgi laýazymyn atqarýǵa 2019 jylǵy sáýirde kirisken.