8 sáýirde kúnniń tutylýy bes saǵattan artyq ýaqytqa sozylady

ASTANA. KAZINFORM – 8 sáýirde Kún tutylýynyń maksımaldy jáne jartylaı fazasynyń uzaqtyǵy bes saǵattan asady. Bul týraly TASS jazdy. 

- Dúısenbi, 8 sáýir kúni Kúnniń tolyq tutylýy bolady. Onyń jalpy uzaqtyǵy bes saǵattan asady (Astana ýaqyty boıynsha 20:42-den 01:52-ge deıin). 1,029 maksımaldy fazasy 4 mınýt 28 sekýndqa sozylady, - dep habarlady Máskeý planetarııiniń baspasóz qyzmeti.

Bul qubylys ásirese Meksıkanyń soltústiginde baıqalady. Kúnniń tolyq tutylýy AQSh pen Kanadada, Tynyq muhıty men Atlant muhıtyndaǵy keıbir araldardan da kórinedi. Jeke fazalardy Soltústik jáne Ońtústik Amerıka, Ortalyq Amerıka, sondaı-aq Tynyq jáne Atlant muhıttarynan jáne Batys Eýropada turatyndar kóre alady.