8 sáýirden bastap Ýhan qalasyndaǵy karantın alynady

BEIJІŃ. QazAqparat – 8 sáýirden bastap Ýhan qalasyna (Ortalyq Qytaı, Hýbeı provıntsııasy) kirip-shyǵýǵa qoıylǵan shekteý alynyp tastalady, dep habarlaıdy QazAqparat menshikti tilshisi.

«8 sáýir saǵat 00:00-den bastap Ýhan qalasynda tranzıttik joldarmen júrýge qoıylǵan shekteý alynyp, kólik quraldarynyń kirýine jáne shyǵýyna ruqsat etiledi. Ýhannan ketip bara jatqan adamdar jasyl «densaýlyq kodyna» sáıkes júre alady», - delingen seısenbi kúni jarııalanǵan Hýbeı provıntsııasy densaýlyq saqtaý isi jónindegi memlekettik komıtettiń qujatynda.

Mundaı ereje Hýbeı provıntsııasynda 25 naýryz túnnen bastalady.

Eske salaıyq, 23 qańtarda 11 mln turǵyny bar Ýhan qalasynda koronavırýs epıdemııasyna baılanysty qatań karantın engizildi. Qazirgi ýaqytta Qytaıdyń atalǵan megapolısinde aýrý juqtyrǵandar sany 50 myńnan asty, 2524 adam qaıtys boldy.

Avtor: Rýslan Súleımenov