8 sáýir kúngi aýa raıy boljamy
NUR-SULTAN. QazAqparat - 8 sáýir kúni atmosferalyq fronttardyń ótýine baılanysty respýblıkanyń batys jáne ońtústiginde jańbyr jaýady. Elimizdiń qalǵan aýmaǵynda jaýyn-shashynsyz kún raıy kútiledi. Keı jerlerde tuman men ekpindi jel saqtalady. Ońtústikte naızaǵaı oınap, burshaq jaýýy yqtımal, dep habarlaıdy QazAqparat.
«Qazgıdromet» RMK-nyń málimetine sáıkes, Mańǵystaý, Batys Qazaqstan, Qostanaı, Pavlodar, Qaraǵandy, túnde Almaty, Atyraý, Soltústik Qazaqstan oblystarynyń keı jerlerinde tuman kútiledi.
Jambyl oblysynyń jekelegen aýmaqtarynda tuman, jeldiń ekpini 15-23 m/s kúsheıýi kútiledi.
Shyǵys Qazaqstan oblysynyń keı jerlerin túnde tuman basyp, kúndiz jeldiń jyldamdyǵy 15-20 m/s artatyny boljanady.
Qyzylorda oblysynyń keı jerlerinde jel 15-23 m/s kúsheıip, shańdy daýyl kútiledi.
Kúndiz Aqtóbe oblysynyń keı jerlerinde jeldiń kúshi 16 m/s artýy múmkin.
Túrkistan oblysynyń keı jerlerinde jel 15-20 m/s kúsheıip, kúndiz naızaǵaı, burshaq jaýýy yqtımal.
