8 sáýir. QazAqparat kúntizbesi
ESTE QALAR OQIǴALAR
1990 jyly QazKSR memlekettik komıssııasy «Tselıntransstroı» tresi salǵan qazirgi Astana qalasyndaǵy eski temirjol vokzalyn paıdalanýǵa berý týraly aktige qol qoıdy.
1992 jyly Eýropa Odaǵy komıssııasy men Qazaqstan Respýblıkasynyń Úkimeti arasynda Qarjylandyrý týraly memorandýmǵa qol qoıyldy.
1999 jyly QR Prezıdentiniń Jarlyǵymen Aqmola oblysynyń ortalyǵy Astana qalasynan Kókshetaýǵa kóshirildi.
2005 jyly Almatyda Qazaqstan Respýblıkasy Ulttyq bankiniń «Táýelsiz Qazaqstannyń shaqalary» atty fotokórmesi ótti. Kórmege qoıylǵan jádigerlerdiń qatarynda «Qyzyl kitap», «Nomadtar altyny», «Tarıhı-sáýlet eskertkishteri», «Qazaqstannyń qyzyl kitaby», «Sport», «Kóne Túrkistan» serııalary boıynsha shyqqan shaqalardyń sýretteri bar.
2008 jyly Máskeýdegi Qazaqstan Elshiliginde «Reseı qazaqtary» kitabynyń tanystyrylymy ótti. Hronologııalyq qaǵıda boıynsha qurastyrylǵan eki tomdyq jınaqqa 600-den astam ómirbaıandyq anyqtamalar engizilip otyr.
Muraǵat materıaldaryna, anyqtamalyq-entsıklopedııalyq ádebıetke, jeke saýaldarǵa negizdelgen bul kitapta ár jyldary Reseıde turǵan, sondaı-aq qazir de sonda tirshilik keship jatqan ulty qazaq aıryqsha tulǵalar tanystyrylady. Kitap naqty bir adamnyń taǵdyry arqyly jańa dáýirde Qazaqstan men Reseı aýmaqtarynda bolǵan tarıhı jáne kóshi-qon úderisterin qadaǵalaýǵa múmkindik beredi. Joǵaryda atalǵan úderisterdiń barysynda Reseıde qomaqty qazaq dıasporasy qalyptasyp, búginde onda 1 mıllıonnan astam qazaq turyp jatyr.
2010 jyly Tel-Avıvte otandyq mádenıet tarıhynda alǵash ret baǵdarlamasy tolyqtaı qazaq kompozıtorlarynyń týyndylarynan quralǵan Izraıl sımfonııalyq orkestriniń kontserti ótti.
2010 jyly Almatyda qazaq, orys, aǵylshyn tilderinde qatar jaryq kórgen «Abaıdyń qara sózderi» kitabynyń tusaýkeser rásimi ótti. Abaı eńbegin orys tiline aýdarǵan – Klara Serikbaeva. Al, aǵylshyn tiline túrkitanýshy Rıchard Makkeın aýdardy.
Kitapty shyǵarýdaǵy basty maqsat – qazaqtyń uly aqyny Abaıdyń shyǵarmalaryn álemge tanystyrý. Atalmysh kitapty «Halyqaralyq Abaı klýby» qoǵamdyq birlestigi 4000 danamen shyǵardy.
2014 jyly Shyǵys Qazaqstan oblysynyń Zyrıan jáne Aıagóz qalalary aýdandyq mańyzy bar qalalar sanatyna jatqyzyldy. Tıisti Jarlyqqa Qazaqstan Prezıdenti qol qoıdy.
2016 jyly Qazaqstannyń Ulttyq mýzeıinde «Máskeý teńge saraıynyń kúmis markalaryndaǵy Mekke» atty biregeı kórme ashyldy. Túpnusqa álemniń 24 ıslam eli shyǵarǵan poshta markalary boldy: Aýǵanstan, Aljır, Iran, Irak, Iordanııa, Kýveıt, Lıvııa, Malaızııa, Saýd Arabııasy, BAÁ, Sırııa jáne basqalary. Qasıetti Mekkege arnalǵan 40 markadan turatyn kollektsııanyń úlgileri eksklıýzıvti tehnologııa boıynsha 999 synamaly kúmisten jasalǵan.
2017 jyly qazaqstandyq dzıýdoshylar Otgontsetseg Galbadrah (48 keli) pen Ǵusman Qyrǵyzbaev (60 keli) Antalııada ótken halyqaralyq Grand Prix týrnırinde eki altyn medalǵa qol jetkizdi. Jarysqa 34 memleketten 252 sportshy qatysqan bolatyn.
2019 jyly Tselınograd aýdanynyń Aqmol aýylyndaǵy «Rýhanı jańǵyrý» mádenıet jáne demalys saıabaǵynda «Uly dalanyń uly esimderi» Dańq alleıasynyń saltanatty ashylýy bolyp ótti. Alleıada Kúltegin, Qoja Ahmet ıAsaýı, tanymal memlekettik qaıratkerler Táýke han, Abylaı han, Sultan Beıbarys, Kenesary Qasymov, Tóle bı, Qazybek bı, Áıteke bı, ataqty ǵalymdar ál-Farabı, Shoqan Ýálıhanov, jazýshy, aqyn Shákárim Qudaıberdiuly, Jambyl Jabaevtyń portretteri ornatylǵan.
2022 jyly Dımashtyń ánderi Japonııanyń eń iri ýnıversıtetiniń The Open University of Japan oqý baǵdarlamasyna engizildi.
2022 jyly Almaty mýzeıinde ataqty akter Asanáli Áshimovtiń shyǵarmashylyǵyna arnalǵan «Abyzǵa aınalǵan Asanáli» kórmesi ótti.
Іs-shara barysynda Asanáli Áshimov Almaty mýzeıiniń qoryna jeke muraǵatynan birqatar zat tapsyrdy. Bul – Asanáli Áshimovtiń 70 jyldyǵyna arnalǵan kitaptar men jýrnaldar jınaǵy, sandyq fılmder jınaǵy. «ıAntar» shahmat saǵaty, Abaı bıýsti, plakattar men býkletter, Á. Nurpeıisovtyń «Asanáli Áshimov» jáne «Qan men Ter» stereoplastınkalary jáne t.b.
