8 saǵat 13 mınýt synǵa tústi: Elordada Ironman jeńimpazdary anyqtaldy
NUR-SULTAN. QazAqparat - Elordada Ironman 70.3 Astana iri halyqaralyq jarysynyń «tolyq» dıstantsııa jeńimpazdary anyqtaldy, dep habarlaıdy QazAqparat Nur-Sultan ákimdiginiń resmı saıtyna silteme jasap.
8 saǵat 13 mınýt nátıje kórsetken reseılik Aleks Grıgorev trıatlon jeńimpazy atandy. Aleks Grıgorev qarsylastaryn júzý kezeńinde-aq basyp ozyp, olardy shamamen 20 mınýt artta qaldyrdy.
Dál osy qashyqtyqta ekinshi bolyp reseılik – Anton Bereznıak 8 saǵat 49 mınýt nátıjesimen márege jetti. Al qazaqstandyq Alekseı Vshıvtsev (8 saǵat 51 mınýt) úshinshi nátıje kórsetti.
Áıelder arasynda reseılik Valentına Kýkrýs (9 saǵat 46 mınýt) birinshi bolyp jetse, Túrkııa ókili Guney Merve (10 saǵat 9 mınýt) – ekinshi, Reseı sportshysy Irına Vladımırova (10 saǵat 23 mınýt) úshinshi boldy.
Eske salsaq, jarysqa álemniń 56 elinen 1700 trıatlet shyqty. Oǵan «Orda» tobynyń solısi Dastan Orazbekov, Olımpıada chempıony Serik Sápıev, kásibı trıatlonshy Ekaterına Shatnaıa, «Almaty Marafonynyń» atqarýshy dırektory Saltanat Qazybaeva jáne ózgeleri qatysty.
Jeńimpazdar Gavaıı, Kaılýa-Kona aralyndaǵy IRONMAN álem chempıonatyna 45 slot aldy.
Trıatlonshylar «jartylaı jáne «tolyq» dıstantsııa boıynsha synǵa tústi. Buǵan deıin «jartylaı» qashyqtyq jeńimpazdaryn jarııalaǵan bolatynbyz.
