8 óńirde 34 shaǵyn ónerkásip alańy qurylyp jatyr

ASTANA. KAZINFORM – Ónerkásip jáne qurylys mınıstri Ersaıyn Naǵaspaev Úkimet otyrysynda «Samuryq-Qazyna» qorynyń óńdeýshi kásiporyndardy qoldaý sharalary týraly málimet berdi. 

– Bıyl «Samuryq-Qazyna» elektrondyq platformasynda 143 mlrd teńge bolatyn 340 kelisimshart jasaldy. Bul ótken jylmen salystyrǵanda 1,7 ese joǵary. Іri kásiporyndar jergilikti ónerkásipterge uzaq merzimdi tapsyrystar berý arqyly, olardyń turaqty jumys isteýine jol ashady. Jyl basynan jasalǵan uzaq merzimdi kelisimshart sommasy 1,8 ese artyp, 61 mlrd teńgeni qurady, - dedi ol.

Mınıstrdiń sózinshe, memleket 8 óńirde qurylyp jatqan shaǵyn ónerkásip alańdaryna 46 mlrd teńge bólip otyr.

– Búgingi tańda (Astana jáne Shymkent qalalarynda, Jambyl, Qaraǵandy, Qostanaı, Qyzylorda, Soltústik Qazaqstan jáne Túrkistan oblystarynda jalpy 200 myń sharshy metrden asatyn 34 shaǵyn ónerkásiptik aımaqtyń jobasy iske asyrylyp jatyr. Bul jobalarǵa bıýdjetten 46 mlrd teńgeden astam qarajat bólindi, - dedi Ersaıyn naǵaspaev.

Eske salsaq, Joǵary aýdıtorlyq palata múshesi Nurlan Nurjanov «Samuryq-Qazyna» bıýdjetke tıesili dıvıdentterdi tolyq tólemeı otyrǵanyn málim etken bolatyn.