8 óńirdiń turǵyndaryn gazben qamtý úshin 58 joba júzege asyrylyp jatyr

NUR-SULTAN. QazAqparat - Elimizdiń 8 óńirinde halyqty gazben qamtý úshin 58 joba júzege asyrylyp jatyr. Bul týraly búgin Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Sońǵy 5 jylda 1 334 shaqyrym magıstraldyq gaz qubyry jáne 20 myń shaqyrymnan astam gaz taratý jelisi salynǵan. Magıstraldyq gaz qubyrlary qurylysynyń ósimi - 7, gaz taratý jelileri qurylysynyń ósimi - 49 paıyzdy qurady. 2015-2020 jyldar aralyǵynda respýblıkalyq bıýdjet esebinen ákimdikterge gazdandyrý jumysyna 125 mlrd teńge mólsherinde nysanaly transfertter, onyń ishinde sońǵy 2 jylda 76 mlrd teńge bólindi»,- dedi mınıstr.

Sondaı-aq ol gazdandyrýdyń keı jobalary Eńbek jáne halyqty áleýmettik qorǵaý mınıstrliginiń «Jumyspen qamtýdyń jol kartasy» bıýdjettik baǵdarlamasy esebinen iske asyrylyp jatqanyn aıtty.

«2020-2021 jyldary 8 óńirde 22,5 mlrd teńgege 58 jobany iske asyrý josparlanǵan. Onyń ishinde 51 jobany osy jyly jáne 7 jobany Almaty oblysynda 2021 jyly aıaqtaý kózdelip otyr», - dedi Nurlan Noǵaev.