8 oblysta orman órtin sóndirý stantsııalary tapshy

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev Úkimet otyrysynda orman órtin sóndirý stantsııalaryn jańartýǵa aqsha bólmeı otyrǵan oblystardy atady.

— Aqmola, Aqtóbe, Atyraý, Batys Qazaqstan, Qostanaı, Pavlodar jáne Shyǵys Qazaqstan oblystarynda ormandaǵy órt sóndirý stantsııalarynyń jetispeýshiligi baıqalady. Al onyń jartysy ótken ǵasyrdyń 50-60 jyldary salynǵan. Oblystardyń jergilikti bıýdjetterine emıssııa úshin tólemder túskenimen olar jańa orman órt sóndirý stantsııalaryn salýǵa baǵyttalmaǵan, — dedi mınıstr.

Onyń aıtýynsha, orman ınspektorlarynyń tapshylyǵy kúrdeli máselege aınalyp úlgergen. 

— Byltyrdan beri orman kúzeti jeke quramynyń jetispeýshiligi kúrdeli másele bolyp otyr. Shyǵys Qazaqstan, Aqmola jáne Pavlodar oblystarynda orman kúzetiniń shtat sanyn normatıvke deıin jetkizý máselesi sheshilmegen, — dedi vedomstvo basshysy.

Aıta keteıik, Shyǵys Qazaqstan oblysy Zaısan aýdanynda órt sóndirýshiler qamys pen shópti sharpyǵan tilsiz jaýmen áli kúresip jatyr.