8 naýryzǵa syılyq: elordalyq analarǵa 23 mln. teńgege materıaldyq kómek kórsetiledi
ASTANA. QazAqparat - Astanada 8 naýryz - Halyqaralyq áıelder kúnine oraı 7,7 myń adamǵa materıaldyq kómek kórsetiledi. Bul týraly astana.kz saıtyna qalalyq Jumyspen qamtý jáne áleýmettik baǵdarlamalar basqarmasynan habarlady.
«Birneshe jyldan beri jergilikti bıýdjet qarjysy esebinen 8 naýryz merekesine oraı «Kúmis alqamen» jáne «Altyn alqamen» marapattalǵan kámeletke tolmaǵan 4 jáne odan artyq birge turatyn balasy bar kóp balaly analarǵa, turaqty qyzmet etetin Ardagerler keńesi komıssııasynyń múshelerine bir rettik materıaldyq kómek kórsetiledi. Barlyǵy 7,7 myń adamdy qamtý josparlanǵan», - dep habarlady astana.kz saıtyna vedomstvodan. Eske salaıyq, «QR memlekettik nagradalary týraly» QR zańyna sáıkes «Kúmis alqa» medali alty balany dúnıege ákelip, altynshy bala bir jasqa tolǵan soń jáne basqa balalar tiri bolsa beriledi. Al jeti jáne odan kóp balasy bar analar sońǵy bala bir jasqa tolǵannan keıin «Altyn alqa» medalimen marapattalady.
