8 naýryzǵa oraı Qaraǵandyda 240 myń qyzǵaldaq ósirildi
QARAǴANDY. QazAqparat - 8 naýryz - Halyqaralyq áıelder kúnine oraı Qaraǵandynyń iri jylyjaı kesheninde 240 myń 750 qyzǵaldaq ósirildi, dep habarlaıdy «QazAqparat» HAA tilshisi.
«Qyzǵaldaq - kóktemdi ári kóktemgi kóńil-kúıdi bildiretin názik ári ádemi gúlder. Arnaıy 8 naýryzǵa qyzǵaldaqtyń 12 surybyn otyrǵyzdyq», - dedi «Green Technology» JShS bas agronomy Galına Kızılova.
Názik jandylar qaýymyna trıýmf-qyzǵaldaqtar, lalatústes qyzǵaldaqtar, shashaqty, jasyl tústi, darvındik, gıbrıd jáne ózge de qyzǵaldaq túrleri qýanysh syılaıtyn bolady.
«Jýashyqtardy Gollandııadan aldyrdyq. Jáne 8 naýryz qarsańynda ásem ósimdikter gúldedi. Ótken jyly 220 myń qyzǵaldaq ósirsek, bıyl 240 myń 750 danaǵa deıin kóbeıttik».
Gúl satatyn dúńgirshek ıeleri barlyq partııany satyp aldy.
