8 naýryzda soltústikte kún sýytsa, ońtústikte naızaǵaı jarqyldaıdy
NUR-SULTAN. QazAqparat - Qazgıdromet 8 naýryzǵa arnalǵan aýa raıy boljamyn jarııalady, dep habarlaıdy QazAqparat.
Sýyq aýa aǵynynyń áserinen soltústiktegi óńirlerde kún sýytady. Alaıda, frontaldy bólikter ońtústikte óz áserin saqtaıdy – jaýyn-shashyn (jańbyr, qar). Respýblıka boıynsha keı jerlerde jeldiń kúsheıýi, batysta shańdy daýyl soǵyp, tuman túsedi, ońtústikte naızaǵaı jarqyldaıdy.
Qaraǵandy oblysynyń soltústigi, shyǵysy, ortalyǵynda jel 15-20 m/s kúsheıip, túnde burqasyn bolady, ońtústiginde tuman, kóktaıǵaq.
Pavlodar oblysynyń túnde ońtústiginde, kúndiz basym bóliginde jeldiń jyldamdyǵy 15-20 m/s jetedi, túnde soltústiginde jaıaý burqasyn.
Aqmola oblysynyń batysynda tuman, túnde ońtústik-shyǵysynda jeldiń 15-20 m/s kúsheıýi yqtımal, jaıaý burqasyn kútiledi.
Túnde jáne tańerteń Almaty oblysynyń soltústigi men ońtústiginde tuman, ońtústigi men shyǵysynda jeldiń ekpini 15-20 m/s jetedi.
Túrkistan oblysynyń taýly aýdandarynda tuman, naızaǵaı, jel kúsheıedi -15-20 m/s.
Batys Qazaqstan oblysynyń soltústigi men ońtústiginde tuman, kúndiz soltústigi men soltústik batysynda kóktaıǵaq bolady.
Kúndiz Mańǵystaý oblysynyń batysy men ortalyǵynda jeldiń jyldamdyǵy 15-20 m/s jetedi, kúndiz shańdy daýyl turady.
Qostanaı oblysynyń ońtústik-shyǵysynda jeldiń 15 m/s kúsheıýi, ońtústiginde tuman túsýi kútiledi.
Soltústik Qazaqstan oblysynyń soltústigi men shyǵysynda jel turady, ekpini 15-20.
Jambyl oblysynyń soltústigi men taýly aýdandarynda tuman túsedi, kúndiz soltústik-shyǵysy men taýly aýdandarynda jeldiń jyldamdyǵy 15-20 m/s jetedi.
Atyraý oblysynyń soltústigi, batysy men ortalyǵynda, Qyzylorda oblysynyń ońtústiginde, túnde jáne tańerteń Aqtóbe oblysynyń batysy men ońtústiginde tuman túsýi yqtımal.
