8 naýryzda Qazaqstan aýmaǵynyń jekelegen jerlerinde jaýyn-shashyn bolyp, jel kúsheıedi dep kútilýde - aýa raıy
ASTANA. 7 naýryz. QazAqparat - Qazaqstannyń basym aýmaǵy antıtsıklonnyń yqpalynda bolady. Atmosferalyq aǵymdardyń ótýine baılanysty jaýyn-shashyn, tuman, kóktaıǵaq bolyp, jel kúsheıedi dep kútilýde. Bul týraly Qazgıdrometke silteme jasaı
otyryp, QR TJM-niń baspasóz qyzmeti habarlady.
Respýblıkanyń shyǵysynda azdaǵan jaýyn-shashyn jaýyp, negizinen kún raıy ashyq bolady dep kútilýde.
Aqmola, Ońtústik Qazaqstan, Mańǵystaý, Soltústik Qazaqstan jáne Qaraǵandy oblystarynyń keı jerlerinde tuman bolyp, 15-20 m/s jyldamdyqpen jel soǵady.
Jambyl, Qyzylorda, Atyraý oblystyrynyń keı jerlerinde tuman, kóktaıǵaq bolyp, 15-20 m/s jyldamdyqpen jel soǵady dep kútilýde.
Batys Qazaqstan, Qostanaı jáne Shyǵys Qazaqstan oblystarynyń jekelegen jerlerinde tuman bolady.
Aqtóbe oblysynyń keı jerlerinde tuman bolyp, 15-20 m/s jyldamdyqpen jel soǵýy yqtımal.
8-11 naýryz aralyǵynda Syrdarııa ózenindegi Kóktóbe sý qoımasynyń tómengi bóliginde, Shý ózeninde jáne Almaty oblysynyń taýly aımaq ózenderinde muz erıdi. Shardara sý qoımasyna sekýndyna 1200-1250 tekshe metr sý keledi dep kútilýde.
Jambyl, Almaty jáne Shyǵys Qazaqstan oblystarynyń ózenderinde sý deńgeıiniń aýytqýy baıqalady.
Almaty oblysynda aýa raıynyń jylynýy men jaýyn-shashynǵa baılanysty qar erıdi.
