8 naýryzda Qaraǵandy turǵyny anasyn óltirip, besinshi qabattan sekirip ketti
QARAǴANDY. QazAqparat - 8 naýryz kúni óz anasyn óltirgen 33 jastaǵy Qaraǵandy turǵyny besinshi qabattyń balkonynan sekirip, ajal qushty, dep habarlady «QazAqparat» HAA tilshisi.
Qaraǵandy oblystyq densaýlyq saqtaý basqarmasynyń habarlaýynsha, er adam koma jaǵdaıynda aýrýhanaǵa jetkizilgen.
«Onda joǵarydan qulaǵan adamǵa tán jaraqattar boldy. Aýrýhanaǵa jetkizý kezinde er adam kóz jumdy», - dedi Qaraǵandy oblystyq densaýlyq saqtaý basqarmasynyń baspasóz hatshysy Aıjan Isa.
Baspasóz hatshysynyń habarlaýynsha, er adam medıtsınalyq mekemege jetkizý kezinde qaıtys bolyp, jan saqtaý sharalaryn jasap úlgermegen.
Besinshi qabattan qulamas buryn er adam páterde óz anasyn óltirgen. Áıeldiń qatty shyqqan daýysyn estigen kórshiler polıtsııa shaqyrǵan. Biraq páterge kelgen Mıhaılov bóliminiń polıtseılerin marqum áıeldiń uly kirgizbegen. Ózi balkonǵa júgirip shyǵyp, sekirip ketken.
Qazybek bı aýdandyq prokýratýrasy QR 99-baby «Adam óltirý» boıynsha qylmystyq is qozǵalǵanyn habarlady.
«Bizdiń qyzmetker qylmys ornyna bardy, biraq naqty ne jaǵdaı bolǵany áli belgisiz. Kúdikti kóz jumsa da, oqıǵanyń mán-jaıyn anyqtaý úshin qylmystyq is qozǵalady», - dep habarlady aýdandyq prokýratýra.
Qaraǵandy oblysy ІІD baspasóz qyzmeti basshysy Baqytjan Qudııarovtyń aıtýynsha, «adam óltirý faktisi boıynsha sotqa deıingi tergeý isi júrgizilip jatyr, birqatar saraptama taǵaıyndaldy».
