8 naýryzda elimizde aýa raıy qubylmaly bolady
ASTANA. QazAqparat - 8 naýryzda Qazaqstannyń basym bóliginde atmosferalyq aǵyndardyń ótýine baılanysty aýa raıy qubylmaly bolady, dep habarlaıdy QazAqparat Qazgıdrometke silteme jasap.
Sınoptıkterdiń boljaýynsha, juma kúni elimizdiń keı jerlerinde jaýyn-shashyn jaýady, soltústikte kóbinese qar jaýady. Keı jerlerde tuman túsip, kóktaıǵaq bolady, burqasyn soǵady, jel kúsheıedi.
Soltústik Qazaqstan oblysynda jel túnde 15-20 m/s, ekpini 23-28 m/s, kúndiz keı jerlerde 15-20, ekpini 23 m/s kúsheıedi, keı jerlerde burqasyn, kóktaıǵaq bolýy yqtımal.
Aqmola oblysynyń basym bóliginde túnde, kúndiz keı jerlerinde jel 15-20 m/s kúsheıedi.
Túrkistan, Jambyl oblystarynyń keı jerlerinde naızaǵaı, jel 15-20 m/s kúsheıedi, Jambyl oblysynda keı jerlerde tuman kútiledi.
Shyǵys Qazaqstan, Pavlodar oblystarynyń keı jerlerinde tuman kútiledi, kúndiz Shyǵys Qazaqstan, túnde Pavlodar oblysynda jel 15-20 m/s kúsheıedi.
Almaty, Jambyl, Qyzylorda, Mańǵystaý, Batys Qazaqstan, Aqtóbe oblystarynyń keı jerlerinde tuman kútiledi.
Qaraǵandy, Qostanaı oblystarynda keı jerlerde jel 15-20 m/s kúsheıedi, burqasyn, tuman kútiledi, Qaraǵandy oblysynyń keı jerlerinde kóktaıǵaq bolady.
