8 naýryz merekesine oraı elordalyq saýda oryndarynda birqatar taýarlarǵa jeńildikter jasalady
ASTANA. QazAqparat - Kóktemniń shýaqty merekesi - 8 naýryz - halyqaralyq áıelder kúni qarsańynda qalalyq bazarda barlyq azyq-túliktik jáne azyq-túliktik emes taýarlarǵa 10% jeńildikter jasalady.
Bul týraly astana.kz saıtyna elordalyq Kásipkerlik pen ónerkásip basqarmasynan habarlady.
«5-8 naýryzda «Artem» bazarynda kúni boıy saǵat 10.00-22.00 aralyǵynda barlyq azyq-túliktik jáne azyq-túliktik emes taýarlarǵa 10% jeńildikter jasalady», - dep habarlady astana.kz saıtyna vedomstvodan. Aıta keteıik, kóktemgi merekege oraı 3-9 naýryzda «Jastar» saraıynda teri ónimderiniń kórme-jármeńkesi ótedi. Al 1-8 naýryzda Kongress-holl saraıynda «8 naýryzǵa arnalǵan syılyqtar» merekelik kórme-jármeńkesi uıymdastyrylyp, syılyq jıyntyqtarynyń, kádesyılardyń, zergerlik ónimderdiń, kosmetıka, parfıýmerııa, oıynshyqtar, toqyma, densaýlyq pen úıge arnalǵan taýarlardyń mol tańdaýy usynylady.
