8 naýryz qurmetine áıelderge 100 dollardan syıaqy beriledi
ASTANA. QazAqparat - Dýshanbe basshylyǵy 8 naýryzda kóshe jınaıtyn áıelderge syılyq retinde 100 dollardan beretin boldy. Bul týraly Tájik telegraf agenttigine qala tóraǵasynyń baspasóz hatshysy Shavkat Saıdov habarlady, dep jazady «Aıqyn» gazeti.
Basylymnyń málimetinshe, Dýshanbe qalasy basshylyǵynyń sheshimine oraı dástúr boıynsha 8 Naýryz - Ana kúni qarsańynda qaladaǵy jol-paıdalaný basqarmasynyń kóshe sypyrýshy áıelderine 500 somonı mólsherinde (shamamen $100) syıaqy beriletin boldy.
Jalpy alǵanda, kóshe tazalaý jumystaryna qatysatyn 2 myń 131 áıelge osyndaı kólemde syıaqy beriledi.
