8 naýryz kúni Óskemende áıelder tramvaımen tegin júredi
ÓSKEMEN. QazAqparat - 8 naýryz - Halyqaralyq áıelder merekesinde óskemendik arýlar tramvaımen tegin júredi, dep habarlaıdy QazAqparat altaynews.kz agenttigine silteme jasap.
Tasymaldaýshy kompanııa merekege oraı osyndaı tosynsyı jasaýdy jón kórgen.
«Bul - bizdiń kompanııa, qala ákimdigi jáne «Regıstan» fırmasynyń birlesken aktsııasy, ortaq ıdeıamyz. Áıelder qaýymyn qýantqymyz keledi. Sondyqtan 8 naýryz kúni tańnan keshke deıin arýlardy tegin alyp júremiz», - dep málim etti «Óskemen kólik kompanııasy» jaýapkershiligi shekteýli seriktestiginen.
