8 naýryz kúni Astanada temperatýra -2-4 gradýs bolady
ASTANA. 6 naýryz. QazAqparat - «Qazgıdromet» RMK-niń boljaýynsha, 5-8 naýryz kúnderi Astanada aýa raıy aýyspaly bultty bolady, keıde qar jaýyp, burqasyndatady.
Shyǵystan sekýndyna 9-14 metr jyldamdyqpen soǵatyn jeldiń ekpini 18 m/s-qa deıin jetedi. Aýa temperatýrasy - túnde -8-10 C, kúndiz -2-4 C.
Almaty qalasynda aýyspaly bultty, jaýyn-shashynsyz. 0-5 m/s jyldamdyqpen jel soǵady. Aýanyń temperatýrasy túnde +4+6oC, kúndiz +16+18oC bolady.
Al 6-7 naýryz kúnderi kútilip otyrǵan qatty jańbyrlarǵa baılanysty Ońtústik Qazaqstan oblysynyń alasa taýly ózenderinde erigen qar men jańbyr sýynyń tasqyndary bolatyndyǵy eskertildi.
Shyǵys Qazaqstan oblysynda 5-8 naýryz aralyǵynda aýa temperatýrasynyń joǵarylaýy men jaýyn-shashyndarǵa baılanysty shaǵyn ózender men jylǵalarda sý deńgeıiniń kóterilýi, taýlardan jylǵalarmen sýlardyń aǵýy, tasqyndar men sý basý jaǵdaılary kútiledi.
