8 naýryz kúni aqtaýlyq qyz-kelinshekter qoǵamdyq kólikte tegin qatynaıdy

AQTAÝ. QazAqparat - 8 naýryz - Halyqaralyq áıelder kúnine oraı Aqtaý qalasyndaǵy qoǵamdyq kólikterde qyz-kelinshekter tegin qatynaıdy. Bul týraly Aqtaý qalasy ákiminiń baspasóz qyzmetinen málim etti, dep habarlaıdy QazAqparat tilshisi.

«Atap aıtqanda qaladaǵy 2, 3, 4, 4M, 5, 7, 8 marshrýttarynda júrý tegin bolady» delingen baspasóz málimetinde.

Sondaı-aq 19 naýryz saılaý kúninde jáne 22 naýryz kúni qalalyq baǵyttardaǵy avtobýstarmen júrý tegin bolady.

Qoǵamdyq kólik óziniń turaqty kestesi boıynsha saǵat 6:40-tan 21:00-ge deıin júredi.