8 naýryz - kóktemniń, jaqsylyqtyń jarshysyndaı ekeni daýsyz - Senat spıkeri Q. Mámı
ASTANA. 8 naýryz. QazAqparat - Qazaqstan Parlamenti Senatynyń Tóraǵasy Qaırat Mámı ınternettegi jeke paraqshasy arqyly elimizdegi barsha Analardy, qazaqstandyq arýlardy 8 naýryz - Halyqaralyq áıelder kúni merekesimen quttyqtady.
«Tabıǵat alýan túske boıalyp, dúnıe qulpyra bastaıtyn osy meıram - kóktemniń, jaqsylyqtyń jarshysyndaı ekeni daýsyz. Aınalasyn izgilik pen meıirbandyq shýaǵyna bólegen, perzent ósirýdi ómirlik maqsat etken abzal Analardy, eldiń kórki bolatyn arýlardy qurmetteý, olardyń ómirin qorǵaý jáne densaýlyǵyn saqtaý - bizdiń memlekettik saıasattaǵy negizgi basymdyqtardyń biri. Kóktem merekesimen quttyqtaı otyryp, Sizderge zor densaýlyq, otbasylaryńyzǵa baıandy baqyt pen mol yrys, qut-bereke tileımin», dep jazady Senat spıkeri óziniń ınternettegi jeke paraqshasynda.
