8 naýryzda birqatar óńirde aýa raıyna baılanysty eskertý jasaldy

ASTANA. KAZINFORM — «Qazgıdromet» Qazaqstannyń barlyq oblysynda, sondaı-aq Astana, Almaty jáne Shymkent qalalarynda aýa raıyna baılanysty eskertý jarııalady. 

Sınoptıkterdiń boljamynsha, Astanada jańbyr men qar, jaıaý burqasyn jáne kóktaıǵaq kútiledi.

Almatyda túnde jáne tańerteń tuman bolady.

Al Almaty oblysynda jáne Qonaev qalasynda tuman boljanyp otyr.

Aqmola oblysynda kóktaıǵaq, keı jerlerde jańbyr men qar jaýady, túnde jáne tańerteń tuman kútiledi. Kókshetaý qalasynda jańbyr, qar, boran jáne kóktaıǵaq bolady.

Shymkentti keı kezderi tuman basýy yqtımal.

Abaı oblysynda kúndiz jańbyr, qar, boran jáne kóktaıǵaq kútiledi, túnde jáne tańerteń tuman bolady. Semeı qalasynda kúnniń ekinshi jartysynda kóktaıǵaq bolýy múmkin.

Aqtóbe oblysynda túnde azdaǵan qar, kóktaıǵaq jáne keı jerlerde jaýyn-shashyn kútiledi. Aqtóbe qalasynda kúndiz qar men jaıaý burqasyn bolýy múmkin.

Atyraý oblysynda tuman men kóktaıǵaq boljanyp otyr. Atyraý qalasynda da túnde jáne tańerteń tuman men kóktaıǵaq kútiledi.

Shyǵys Qazaqstan oblysynda kúndiz jańbyr, qar, boran jáne kóktaıǵaq bolady, al túnde jáne tańerteń tuman túsedi. Óskemen qalasynda kúnniń ekinshi jartysynda kóktaıǵaq bolýy yqtımal.

Jambyl oblysynda jáne Taraz qalasynda tuman kútiledi.

Jetisý oblysynda túnde jáne tańerteń tuman bolyp, joldarda kóktaıǵaq bolady.

Batys Qazaqstan oblysynda túnde qar men kóktaıǵaq, al kúndiz jańbyr men qar jáne tuman boljanǵan. Oral qalasynda túnde qar, kúndiz jańbyr jaýýy múmkin.

Qaraǵandy oblysynda túnde qar, jaıaý burqasyn jáne kóktaıǵaq, al kúndiz jańbyr, qar jáne tuman kútiledi. Qaraǵandy qalasynda da osyndaı aýa raıy boljanyp otyr.

Qostanaı oblysynda túnde qar, boran jáne kóktaıǵaq, al kúndiz jańbyr, qar, boran jáne tuman bolady. Qostanaı qalasynda da osyndaı jaǵdaı kútiledi.

Qyzylorda oblysynda túnde kóktaıǵaq pen tuman bolýy múmkin. Qyzylorda qalasynda da keı ýaqyttarda tuman túsedi.

Mańǵystaý oblysynda túnde joldarda kóktaıǵaq bolady, túnde jáne tańerteń tuman kútiledi. Aqtaý qalasynda da joldar kóktaıǵaq bolýy yqtımal.

Pavlodar oblysynda túnde jańbyr men qar, jaıaý burqasyn, al kúndiz jaýyn-shashyn, boran jáne kóktaıǵaq kútiledi. Pavlodar qalasynda da osyndaı aýa raıy boljanýda.

Soltústik Qazaqstan oblysynda túnde azdaǵan qar, al kúndiz qar túrindegi jaýyn-shashyn, boran jáne kóktaıǵaq bolady. Petropavl qalasynda kúndiz azdaǵan jaýyn-shashyn, jaıaý burqasyn jáne tuman kútiledi.

Túrkistan oblysynda kúndiz jańbyr men naızaǵaı, al túnde kóktaıǵaq pen tuman bolady. Túrkistan qalasynda da keı ýaqyttarda tuman kútiledi.

Ulytaý oblysynda jańbyr, qar, jaıaý burqasyn, kóktaıǵaq jáne tuman bolýy múmkin. Jezqazǵan qalasyn túnde jáne tańerteń tuman basady.

Osyǵan deıin «QazAvtoJol» UK birneshe óńirde kólik qozǵalysyna shekteý qoıylǵany týraly habarlady.