8 myńnan astam sheteldik Qazaqstanda zańsyz turǵan
ASTANA. QazAqparat - «Ýchaske» jedel-profılaktıkalyq is-sharasy barysynda Qazaqstan aýmaǵynda zańsyz turyp kelgen 8 myńnan astam sheteldik anyqtaldy, dep habarlaıdy QazAqparat.
QR Іshki ister mınıstrliginiń baspasóz qyzmetinen málim etkendeı, ýchaskelik polıtsııa ınspektorlarynyń halyqpen jumysyn jaqsartý maqsatynda 5 qyrkúıekten bastap elimiz aýmaǵynda «Ýchaske» jedel-profılaktıkalyq is-sharasy ótkizilýde. Onyń barysynda ýchaskelik polıtseıler páterler men aýlalardy aralap, kóshi-qon zańnamasyn buzý faktilerin anyqtaýda. Sondaı-aq azamattyq qarýdy saqtaý talaptarynyń oryndalýy men ishki ister organdarynda esepte turǵan adamdar tekserilýde.
Sonymen qatar óndiris obektileri, uıymdar men mekemeler baqylaýǵa alyndy. Ýchaskelik polıtseıler garajdar men saıajaı aýmaqtaryn, bos qalǵan ǵımarattar men qurylys nysandaryn, jylý trassalary men qudyqtardy tekserýde.
«Ýchaske» operatsııasy barysynda 1 mıllıonnan astam turǵyn úı men saıajaı tekserildi. Atalǵan shara barysynda89 myńnan astam ákimshilik quqyqbuzýshylyq anyqtaldy. Onyń ishinde 8 myńnan astamy - tirkeýsiz turý faktisi, 9,7 myńnan astamy shetel azamattarynyń kóshi-qon zańnamasyn buzýy. Úsh júzge jýyq sheteldik sot sheshimi boıynsha elden shyǵaryldy», - delingen ІІM habarlamasynda.
«Ýchaske» jedel-profılaktıkalyq is-sharasy jalǵasýda.
