8 myńnan astam otbasy órt qaýipsizdigi saqtalmaıtyn úılerde turyp jatyr
«Jyldyń І toqsanynda 2 990 tótenshe jaǵdaı men oqıǵa tirkelip, 354 adam zardap shekti, 171 adam qaza tapty. Materıaldyq shyǵyn shamamen 593 mln teńgege jetti. Ótken qysta jylytý kezeńi kúrdeli ótti. Jylytý kezeńi bastalatyn qarasha-jeltoqsan aılarynda biz turǵyn úı sektorynda aldyn alý jumystaryn júrgizemiz. Sonyń ishinde aýlalardy aralaý, nusqaýlyqtar jáne jadynamalar tapsyrý turaqty uıymdastyrylady», - degen mınıstr kúzden beri sondaı túsindirý jumystary 2,4 mıllıonǵa jýyq turǵyn úıdi qamtyǵanyn atady.
«2019 jyldan bastap azamattardyń osy sanatymen jumys isteýge áleýmettik qorǵaý, bilim berý jáne polıtsııa organdaryn tartyp júrmiz. Esepte barlyǵy 118 959 otbasy bar. Olardy eki qaıtara aralap, túsindirý jumystaryn júrgizdik. 8 129 otbasy órt qaýipsizdigi durys saqtalmaıtyn, aqaýy bar úılerde turyp jatyr. Bul týraly ákimdikterge habarlanǵan. Sonyń nátıjesinde bıyl áleýmettik túrǵyda osal topqa jatatyn úılerde órt sanyn 18 esege azaıdy», - deıdi ıÝrıı Ilın.
Mınıstdiń deregi boıynsha, 2019-2020 jyldary halyqtyń osy sanatyndaǵy úılerde 354 órt bolyp, 38 adam qaza taptqan. Onyń ishinde 4 kópbalaly otbasy bar. 2020-2021 jylytý maýsymynda 19 órt tirkelip, 2 toptaǵy múgedek turǵyn kóz jumǵan.
«Sondaı-aq, aldyn alý sharalarynyń arqasynda ýly gazdan bolatyn adam ólimi 28%-ǵa tómendedi», - dedi mınıstr.
