8 myńǵa jýyq mektepte oqý oryndaryna kásiptik baǵdarlaý kabınetteri ashylady
ASTANA. QazAqparat - Elimizdegi 8 myńǵa jýyq mektepte joǵary jáne orta kásiptik oqý oryndaryna kásiptik baǵdarlaý kabınetteri ashylady. Bul týraly búgin Úkimettiń selektorlyq rejimdegi otyrysynda QR Densaýlyq saqtaý jáne áleýmettik damý mınıstri Tamara Dúısenova málim etti, dep habarlaıdy QazAqparat.
Mınıstrdiń aıtýynsha, bıylǵy jyly júzege asyrylatyn kásiptik baǵdarlaý jumysy jastardy memlekettik qoldaýdaǵy mańyzdy máselelerdiń biri bolmaq.
«Bilim jáne ǵylym mınıstrliginiń basshylyǵymen 8 myńǵa jýyq mektepte joǵary jáne orta kásiptik oqý oryndaryna kásiptik baǵdarlaý kabınetteri ashylatyn bolady. Onda joǵary synyp oqýshylaryna kásiptik baǵdarlaý baǵyttary, jańa jáne eńbek naryǵyndaǵy suranysqa ıe mamandyqtar týraly aqparattar berilip, qajetti testileý baǵdarlamalary júrgiziledi», - dedi ol.
Onyń paıymynsha, bul óte qajetti, mańyzdy jáne jumyssyzdyqtyń aldyn alýdaǵy eń negizgi shara bolyp sanalady.
«Sondyqtan oblystardyń, Astana jáne Almaty qalalarynyń ákimderinen kásiptik baǵdarlamaý jumysyna kóńil bólýdi, osy baǵytta naqty sharalar qabyldaýdy suraımyn»,- dedi Dúısenova.
