8 myń aqtóbelik týý týraly kýálikti uıaly telefon arqyly rásimdegen

AQTÓBE. QazAqparat - Memlekettik qyzmetti tsıfrlyq formatta alýdy jón dep sanaıtyn aqtóbeleikter sany kún ótken saıyn artyp keledi. Jyl basynan beri 8 myń oblys turǵyny jańa týǵan sábılerdi tirkeý boıynsha proaktıvtik qyzmet kórsetýdi qoldanǵan. Bul týraly «Azamattarǵa arnalǵan úkimet» memlekettik korporatsııasynyń baspasóz máslıhaty barysynda málim boldy, dep habarlaıdy QazAqparat tilshisi.

Aqtóbe oblysy boıynsha «Azamattarǵa arnalǵan úkimet» memlekettik korporatsııasy bólimshesi dırektorynyń orynbasary Іzbasar Orynbasarovtyń aıtýynsha, týý týraly kýálikti rásimdeý úshin uıaly telefon bolsa jetkilikti. Ol arqyly mobıldi azamattar bazasynda óz JSN-in tirkeý qajet.

Bala ómirge kelgen sátte perzenthana balanyń týǵany týraly faktini tirkep, onyń anasynyń uıaly telefonyna quttyqtaý hat joldaıdy. Eger áıel mobıldi azamattar bazasyna tirkelgen bolsa, ol proaktıvtik qyzmet kórsetýdi qoldana alady. ıAǵnı, úsh ótinish - balanyń týý týraly kýáligine, balabaqshaǵa kezekke qoıýǵa jáne balalarǵa arnalǵan járdemaqyǵa ótinish bere alady. Ótinishti HQO-nyń telegrammdaǵy kanaly arqyly berýge de bolady. Bul qujattyń barlyǵyn kelesi kúni HQO-dan alady. Jyl basynan beri osy qyzmetti 8 myń aqtóbelik qoldanǵan.

«Osy jyldyń 11 aıynda 1,5 mln memlekettik qyzmet kórsetilgen, sondaı-aq HQO-larda aqtóbelikter mıllıonnan astam memlekettik qyzmet kórsetýge ıe bolǵan. Jyl basynan beri 300 myń ETsQ berilgen. Kez kelgen adam elektrondyq qyzmetti úıden nemese ConnectionPoint ortalyqtary sektorlarynan ala alady», - dedi І. Orynbasarov.