$8 mlrd-tan asa ınvestıtsııa: Qazaqstan men Dúnıejúzilik bank seriktestigi nyǵaıa túsedi
ASTANA. KAZINFORM — Premer-mınıstr Oljas Bektenov pen Dúnıejúzilik banktiń vıtse-prezıdenti Antonella Bassanı yntymaqtastyqty tereńdetý perspektıvalary men birlesken jobalardy talqylady, dep habarlaıdy Úkimettiń baspasóz qyzmeti.
Qazaqstan Respýblıkasynyń Premer-mınıstri Oljas Bektenov Astana halyqaralyq forýmyna qatysý úshin Qazaqstanǵa kelgen Dúnıejúzilik banktiń vıtse-prezıdenti Antonella Bassanımen kezdesý ótkizdi.
Onda birlesken jobalardy iske asyrý barysy, tsıfrlandyrý salasyndaǵy yntymaqtastyq talqylandy, ekijaqty ózara is-qımyldyń basym baǵyttary qaraldy.
Taraptar ınfraqurylymdy jańǵyrtý sheńberinde yntymaqtastyqty keńeıtý perspektıvalaryn talqylady.
— Qazirgi ýaqytta Prezıdentimizdiń tapsyrmasy boıynsha ınfraqurylymdy jańǵyrtý, onyń ishinde energetıkalyq jáne kommýnaldyq ınfraqurylymdy jaqsartý boıynsha belsendi jumys júrgizilýde. Osyǵan baılanysty ótken jyly Úkimet «Energetıkalyq jáne kommýnaldyq sektorlardy jańǵyrtý» ulttyq jobasyn bekitti.
Energetıkalyq ınfraqurylymdy, sý qubyry jelileri men sýmen jabdyqtaý nysandaryn jańǵyrtý boıynsha saraptama jáne jańa tehnologııalarǵa qol jetkizý bóliginde sizdermen jemisti yntymaqtastyq ornatamyz dep úmittenemiz, — dep atap ótti Oljas Bektenov.
Atap aıtqanda, Bank ınnovatsııalyq tehnologııalardy qosa alǵanda, jobalaýdy ońtaılandyrý, mınımaldy operatsııalyq shyǵyndarmen ekonomıkalyq ınvestıtsııalardy júzege asyrý jáne ekologııalyq máselelerdi sheshý boıynsha memlekettik organdardyń jumysyna halyqaralyq ozyq tájirıbeni engize alady.
QR Premer-mınıstri transshekaralyq sý jobalary aıasyndaǵy ózara is-qımyldyń mańyzdylyǵyn atap ótti.
Sondaı-aq, avtojol, temirjol jáne logıstıkalyq ınfraqurylymdy damytý jónindegi aýqymdy baǵdarlamany iske asyrýǵa nazar aýdaryldy. Birlesken jobalardy iske asyrýǵa tartylǵan qazaqstandyq kompanııalardyń úlesin arttyrýdyń mańyzdylyǵy atap ótildi.
Qazaqstan avtomobıl men temir joldardyń uzyndyǵyn ulǵaıtýdy, olardyń sapasyn, ótkizý qabiletin jáne ekologııalyq turaqtylyǵyn arttyrýdy kózdep otyr. Sondyqtan «Qaraǵandy — Jezqazǵan» avtojoly, Almaty aınalma joly jáne «Darbaza — Maqtaaral» temirjol jelisi sııaqty jobalar boıynsha birlesken jumystarǵa erekshe mán beriledi. Jáne birlesken jobalardy iske asyrýǵa tartylǵan qazaqstandyq kompanııalardyń úlesin arttyrýdyń mańyzdylyǵy qaraldy.
Sonymen qatar Aral teńiziniń soltústik bóligin qalpyna keltirý jobasynyń birinshi kezeńin iske asyrý nátıjeleri atap ótildi.
Sondaı-aq tsıfrlandyrý jáne JI salasyndaǵy yntymaqtastyq talqylandy.
Kezdesý sońynda taraptar seriktestikti odan ári keńeıtýge jáne jańa birlesken bastamalardy iske asyrýǵa daıyn ekendikterin jetkizdi. Sondaı-aq tsıfrlandyrý salasyndaǵy yntymaqtastyq talqylandy. Antonella Bassanı Dúnıejúzilik Banktiń yntymaqtastyqty arttyrýǵa daıyn ekendigin jáne Qazaqstan jarııalaǵan jobalardy qoldap, osy baǵyttar boıynsha odan ári jumys isteýge múddeli ekenin atap ótti.
Dúnıejúzilik banktiń málimetinshe, 1992–2024 jyldar aralyǵynda eki jaqty yntymaqtastyqtyń nátıjesinde $8 mlrd somasyna 48 joba iske asyryldy.
Buǵan deıin Oljas Bektenov Astana halyqaralyq forýmynyń qatysýshylary – aýstrııalyq EKAZENT Management GmbH kompanııasynyń basshylyǵy: bas operatsııalyq dırektor Gabrıel Konstantın Kefer, basqarýshy dırektor Norbert Pfýndermen kezdesý ótkizdi.