8 mln qazaqstandyq bankomattan aqshany komıssııasyz sheshe alady

ALMATY. QazAqparat -«Qazkomertsbank» AQ  «Qazaqstannyń Halyq banki» AQ-men bankomat jelisin biriktirýdi bastady, dep habarlaıdy QazAqparat tilshisi.

10 shildeden bastap atalǵan bankterdiń bankomatynan aqsha sheshýge qosymsha komıssııalar alynyp tastaldy.

Endi Halyq banki men Qazkom klıentteri eki bankten de aqshany komıssııasyz ala beretin bolady.

«2017 jyldyń 1 maýsymyndaǵy jaǵdaı boıynsha, Halyq bankiniń 2367 bankomaty boldy, onyń 559-ynda cash-in fýnktsııasy (aqsha salý) bar. Al Qazkomnyń bankomattar jelisinde 2292 qurylǵy bar, onyń 465 - cash-in fýnktsııasymen. Búgingi kúni Halyq bankinde - 6 mln, al Qazkomda 2 mln.-nan astam kartochka ustaýshyǵa qyzmet kórsetiletinin eskersek, Qazaqstannyń ekonomıkalyq belsendi turǵyndarynyń kópshiligi eki banktiń bankomattyq jelileriniń birigý artyqshylyqtaryn paıdalana alady», - dep atap ótti «Qazkom» bankiniń baspasóz qyzmetinen.

QR Ulttyq bankiniń málimetinshe, 2017 jyldyń sáýirinde bankomattar arqyly 683,2 mlrd teńgege 17,6 mln tranzaktsııa jasalǵan.